Europako Batzordeak 578 milioi erabiliko ditu Gatika eta Bordele urpetik lotzeko
Europako Batzordeak ostegun honetan jakitera eman duenez, 578 milioi euro erabiliko ditu, xede izanik Gatika (Bizkaia) eta Bordele (Frantzia) urpeko 280 kilometroko hodi baten bidez lotzea, Bizkaiko golkotik. Iberiar penintsula, horrela, Europako energia-merkatuan integratuko da. Eusko Jaurlaritza pozik azaldu da proiektuaren aurrean; izan ere, Arantxa Tapiaren iritziz, energiaren prezioaren murrizketan eragina izango du, eta "horniketaren segurtasuna eta kalitatea" bermatuko ditu.
Connecting Europe izeneko mekanismoak orain arte finantzatutako proiekturik garestiena da; hain zuzen, 873 milioi euroko aurrekontua du, 17 azpiegiturarako, eta, besteak beste, Gatika eta Bordeleren arteko itsaspeko hodiaz gain, 1,7 milioi erabiliko ditu Midcaten aurrera egiteko, alegia, Katalunia eta Frantziaren arteko 235 kilometroko tutueriarako.
"Lotura hau egitea aurrerapauso nabarmena da; hain zuzen, Iberiar penintsula, Europako gainerako herrialdeekin aldera, bakartuta dago", azaldu du Miguel Arias Cañete Energia eta Eguraldirako Ekintzaren komisarioak, agiri batean.
"Energia berriztagarriek aurrera egin dezaten, eta Parisko Akordioak bete daitezen, azpiegitura hau ezinbestekoa izango da", gehitu du komisarioak.
Interkonexio-gaitasuna bikoiztuko du
Lotura 2025ean amaituko dira egiten, eta interkonexiorako Estatuak izango duen gaitasuna bikoiztuko du; egun, Europako batez bestekotik behera dago gaitasun hori, Portugali ere gertatzen zaionez.
Proiektuaren arabera, urpeko hodi bat egingo dute, Capbretoneko hobia zeharkatuz, Bizkaiko golkoan; Akitaniako frantziar eskualdea eta Gatika Bizkaiko udalerria lotuko ditu.
Eusko Jaurlaritza, pozik
Arantxa Tapia Ekonomiaren Garapenaren eta Azpiegituren sailburuak adierazi duenez, Eusko Jaurlaritza pozik dago proiektuarekin; izan ere, inbertsio honek eragina izango du energiaren prezioaren murrizketan, eta "horniketaren segurtasuna eta kalitatea" bermatuko ditu.
Tapia Bruselan dago, Europako Batzordearen jardunaldi batean; hain zuzen, berrikuntzaren euskal ereduaren nondik norakoak azaldu ditu, "Espezializazio Adimendunaren Europako Estrategia" egitasmoaren barnean; sailburuaren hitzetan, "denbora luzea eman dugu, gaur jakin dugun erabakia gauza zedin".
Interkonexioa, Tapiaren iritziz, gakoetakoa da energia-prezioek behera egin dezaten: "Albiste ona da abian jar dezatela, interkonexio hobea izan dezagula, eta horniduraren segurtasuna eta kalitatea prezio egokian lor dezagula", berretsi du.
Zure interesekoa izan daiteke
Greba mugagabea hasi dute Abadiño eta Legutioko Metal Groupen, enplegu-erregulazioko espedientearen aurka
Enpresaren zuzendaritzak Abadiñoko lantegia erabat ixtea eta Legution kaleratze ugari egitea proposatzen duen EEE bat proposatu du. 183 langileetatik 139ri inguru eragingo dio.
Lan Ministerioak gutxieneko soldata % 3,1 igotzea proposatu du, hilean 1.221 euro gordinera arte
Patronalak eta sindikatuek proposamena aztertzeko eta zuzendaritza organoei kontsultatzeko konpromisoa hartu dute, Joaquin Perez Rey Enpleguko Estatu idazkariak asteazken honetan emandako prentsaurrekoan azaldu duenez.
Merkealdian gerta daitezkeen 15 trikimailu ohikoenez ohartarazi du Facua kontsumitzaileen elkarteak
Legez kanpoko praktiken aurrean kontsumitzaileak erreklamazioa egiteko eskubidea du, baita merkealdian ere.
Espainiako Gobernua gizarte-eragileekin bilduko da lanbidearteko gutxieneko soldataren igoera negoziatzeko
2025a amaitu zen zenbateko berarekin abiatua da 2026a ere; hau da, gutxieneko soldata 1.184 euroan dago, hamalau ordainsaritan banatuta.
Tolosako eta Elgoibarko anbulantziak publifikatzea babestu du ELAk, baina gardentasun falta salatu du
Gaurtik aurrera, Osakidetzak bere gain hartu du anbulantzia medikalizatuen zerbitzua bi udalerrietan. ELA sindikatuak prozesua babestu du, baina salatu du hura gauzatzeko modua. Urte honetan zehar Osakidetzak Donostiako anbulantzia medikalizatuen kudeaketa ere publiko egingo du.
Hasi da ofizialki neguko merkealdia: 100 euro baino gehiago gastatuko ditu, batez beste, biztanle bakoitzak Hego Euskal Herrian
Biztanleko batez besteko gastua 114,45 eurokoa izango EAEn eta 105,11 eurokoa, berriz, Nafarroan. Kontsumobidek eta OCUk gogorarazi dute merkealdian kontsumitzaileen eskubideek bere horretan dirautela.
Gaur hasiko dira Nafarroako eta Gipuzkoako abelburuak dermatosi nodularraren aurka txertatzen
Espainiako gobernuaren aginduz, Frantziako Estatutik gertuen dauden ganadutegietako animaliak izango dira txertoa jasoko duten lehenak. Arabako eta Bizkaiko ganadutegiak txertaketa planetik kanpo geratu dira.
Abian dira Eusko Jaurlaritzaren hileko 220 eurorainoko laguntzak adingabeak dituzten familia zaurgarrientzat
Gurutze Gorriak kudeatutako eta Europako funtsekin finantzatutako programak laguntza materiala eskainiko die bost kide edo gehiagoko familiei 2026ko abendura arte.
Guztira 3.764 pertsonak eman dute izena Ertzaintzaren 35. promozioko LEPrako
Horietatik 2.383 gizonak dira eta 1.381 emakumeak. Prozesuak, oposizio-fasean, lau fase izango ditu, guztiak derrigorrezkoak eta baztertzaileak.
Euskadik Gizarte Segurantzako afiliazio errekor historikoarekin itxi du 2025a
Hala ere, Euskadiko langabeziaren beherakada joera eten da 107.434 langaberekin, 2024an baino 54 gehiagorekin; Nafarroan, aldiz, 872 pertsonako jaitsiera izan du.