Plastikozko poltsak doan banatzeko debekua atzeratu du Espainiako Gobernuak
Plastikozko poltsak kobratzen hasi behar ziren martxoaren 1etik aurrera, baina neurria atzeratu du Espainiako Gobernuak; izan ere, Estatu Kontseiluaren ebazpenaren zain dago.
Errege-dekretuaren arabera, hasiera batean plastikozko poltsak banatzeko debekua 2020an sartu behar zen indarrean, eta 2018an poltsa bakoitza kobratzeko erdiko pausoa eman behar zuten, baina kalkulu bat baino ez zen, Ingurumen Ministerioko iturriek jakitera eman dutenez.
Errege-dekretua behin betiko onartzeko data zehazterik ez duela onartu du Ministerioak orain, baina 2018ko lehen seihilekoa amaitu baino lehen gertatzea espero du.
5 eta 15 zentimo artean
Plastikozko poltsa bakoitzeko 5 eta 15 zentimo artean ordaindu beharko dute kontsumitzaileek, neurria indarrean sartzen denetik 2020an behin betiko debekura arte; oso arinak diren poltsak eta material konpostagarrikoak salbu.
Plastikozko poltsak murrizteko Errege-dekretuaren zirriborroari egindako alegazioak aztertu ondoren, testua Europako Batzordearen esku geratu zen, arau teknikoa bezala baloratzeko. Ministerioko iturrien hitzetan, atzerapena horregatik gertatu da; izan ere, Espainiako ordenamendu juridikoak Europa Batasuneko araudia barneratu behar du.
Behin erantzuna jaso ondoren, orain testua Estatu Kontseiluari bidaliko diote, ebazpena igorri dezan. Bi prozesuen emaitzarekin, behin betiko testua onartuko du Ministroen Kontseiluak.
Azken hamarkadan, plastikozko poltsen kontsumoa erdira murriztu da Espainian; 2007an biztanle bakoitzeko 317 poltsatik, 2014an 144 poltsara pasa da, sektoreko datuen arabera.
Zure interesekoa izan daiteke
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.