Jaurlaritzak eta sindikatuek akordioa lortu dute sukalde eta garbiketako mahaian
Eusko Jaurlaritzako Hezkuntza Sailak eta ELAk ez beste sindikatu guztiek akordioa lortu dute gaur sukalde eta garbiketako negoziazio mahaian, Jaurlaritzak ohar bidez jakinarazi duenez. Gainera, akordiorik lortu ez badute ere, aurrerapausoak eman dituzte Hezkuntza Bereziko negoziazio mahaian. Izan ere, LAB eta CC.OO. sindikatuek Hezkuntza Sailak aurkeztutako proposamenarekiko "adostasuna" erakutsi dute eta Steilasek denbora gehiago eskatu du bere oinarriei galdetzeko.
Gaur goizean Hezkuntza Saileko eta sindikatuetako ordezkaritzak bi negoziazio mahaitan elkartu dira Gasteizen: sukalde eta garbiketakoa bata; Hezkuntza Berezikoa, bestea. Eusko Jaurlaritzak jakinarazi duenez, mahai bietan zenbait akordiotara iritsi dira.
Sukalde eta Garbiketako mahaiari dagokionez, ELAk ez ordezkaritza duten beste sindikatu guztiek —LAB, CCOO eta UGTk— akordioa sinatu dute Hezkuntza Sailarekin. Aipaturiko sindikatuok gehiengoa ordezkatzen dute sukalde eta garbiketako alorrean. Gehiengo sindikalak eta Hezkuntza Sailak sinatu duten akordioak, beste zenbait elementuren artean, honako hauek jasotzen ditu: lanpostuen zerrenda erregularizatzea eta behin-behinekotasuna jaistea, sukaldeko eta garbiketako lan kargak egokitzea, dieta berriak zein espazioen erabilera handiagoa aintzat hartuz; eta euskalduntzeari eta Prestakuntza Planari dagozkien beste zenbait kontu. Hobekuntza horiek guztiak berehala aplikatuko dira, akordioa EAEko Aldizkari Ofizialean argitaratu ondoren.
Bestalde, Hezkuntza Bereziko Negoziazio Mahaian LAB eta CC.OO. sindikatuek Hezkuntza Sailaren proposamenarekiko adostasuna erakutsi dute. Steilas sindikatuak denbora gehiago eskatu du bere oinarriei galdetzeko.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.