Sukalde eta garbitzaile, heziketa berezi eta Haurreskolen grebak eten ditu LABek
LAB sindikatuak bertan behera utzi ditu martxoaren 14rako eta 15erako, zein maiatzerako eta ekainerako sukalde eta garbitzaile, heziketa berezi eta Haurreskolen Partzuergoan aurreikusita zeuden grebak. Dena dela, irakasleriaren artean deitutako mobilizazio eta lanuzteei eutsi die (alegia, martxoaren 14 eta 15, apirilaren 23ko astea eta ekainaren 12a).
Bilbon egindako prentsaurreko batean azaldu duenez, hiru kolektibo horietan "negoziazioaren abiapuntua izango diren akordio on batzuk" lortu dituzte. Negoziazio mahaietan erdietsitako aurrerapausoak "grebei, borrokari eta mobilizazioei" esker erdietsi dituztela nabarmendu dute, eta langileoi euren "erantzun zabala" eskertu die eta lortutako "garaipenagatik" zoriondu ditu.
LABen hitzetan, hiru sektore horiek "egoera espezifikoa dute hezkuntza komunitatearen baitan" emakumeak baitira gehiengoa eta eurena delako egoera "prekarioena". Sindikatuak nabarmendu du lortutako akordioek langileon "baldintzak eta eskaintzen duten zerbitzuaren kalitatea hobetuko dute".
Hala, erdietsitako adostasun "nabarmenenak" azaldu dituzte prentsaurrekoan. Haurreskolen Partzuergoan aurrerapausoak eman dira "zikloaren aitortza politikoan, zikloari berari izaera hezitzailea aitortuz". Era berean, "herrietako haurreskolen biziraupena" bermatu eta "ordezkoen araudi duina" erdietsi da. "Ordezkapenak betetzea lortuta haurreskoletako lan zama arintzea lortuko da, hezkuntza zerbitzuaren kalitatea nabarmen hobetuko delarik", adierazi dute.
Heziketa bereziari dagokionez, "merezitako aitortza eta inklusibitatearen bidean, historikoak izan diren hiru aldarrikapen" lortu dituztela adierazi dute. Hau da, fisioterapeuta, lan terapeuta eta gizarte langileen ekiparazioa; asteko jardunaren zehaztapena, eta garraioa euren funtzioetatik kentzea.
Sukalde eta garbitzaileen alorrean, langile horiekiko eta euren lanarekiko "merezitako aitortza" erdietsi dutela nabarmendu LABek. Kolektiboaren pribatizazioa saihestu dute,
LPZ handitu eta lanpostu berriak sortu dira, eta ratioak eta metrajeak definitu dira, lan zamak arintzeko funtzioak zehaztuz.
ELA eta Steilas
Euren aldetik, ELAk esan du ez duela ikusten "arrazoirik" grebak bertan behera uzteko. Steilasek adierazi du "printzipioz" lanuzteei eutsiko dietela.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.