Udaberrirako hainbat greba egun deitu dituzte ELAk, LABek eta Steilasek Hezkuntzan
Eusko Jaurlaritzak hezkuntza publikoan dauden "premiei" erantzuteko neurriak hartu ezean, udaberri honetan hainbat greba egun egingo dituztela iragarri dute gaur ELA, LAB eta Steilas sindikatuek.
Bilbon eskainitako prentsaurreko batean, protesten egutegia aurkeztu eta lanuzteak deitzeko dituzten arrazoiak aletu dituzte hiru sindikatuek. Datozen asteetan mahai sektorialaren bilera deituko du Jaurlaritzak, eta bilerotan bi aldeek aurrerapausorik lortzen ez badute, mobilizaziorako deiari eutsiko diotela berretsi dute.
Hala, hiru greba orokor deituko dituzte martxoaren 14rako eta 15erako eta ekainaren 12rako. Horrez gain, apiriletik aurrera astebeteko grebak izango dira, sektoreka.
Sindikatuen ordezkariak, gaurko prentsaurrekoan. Argazkia: ELA, LAB eta Steilas.
Dei zuzena Jaurlaritzari
Aitor Nuñez LABeko ordezkariak nabarmendu duenez, "hezkuntzako langileon lan baldintzak eta berdintasunean eta kalitatean oinarrituriko hezkuntza publikoa txanpon beraren bi aldeak dira". Horrela, Eusko Jaurlaritzari eskaera zehatza egin dio sindikatu abertzaleko bozeramaileak: "Alda dezala errotik azken urteotan inposatzen ari den murrizketa eta hezkuntza politika, eta eskain diezazkiola hezkuntza publikoari ezinbestekoa duen inbertsioa eta baliabideak".
Miren Zubizarreta ELAko bozeramaileak aitortu duenez, udazkeneko negoziazio mahaietan Jaurlaritzak "bere jarrera immobilista aldatu du", baina euren aldarrikapenei "oso modu partzialean" erantzun diela deitoratu du.
Zubizarretaren aburuz, "oraindik oso urrun daude, egungo egoera larriari buelta eman eta hezkuntza publikoaren oinarrizko beharrei erantzuteko azken hilabeteotan plazaratu ditugun aldarrikapen eta eskaeretatik". Ondorioz, "mobilizatzen jarraitu beste biderik ez dugu", esan dute sindikatuok.
Mobilizazioen egutegia
Hiru greba egun bateratu deitu dituzte martxoaren 14rako eta 15erako eta ekainaren 12rako. Horrez gain, sektoreka astebeteko grebak izango dira apiriletik aurrera, honela banatuta:
Apirilaren 23ko astea: irakasleak
Maiatzaren 7ko astea: hezkuntza berezia
Maiatzaren 21eko astea: sukaldea eta garbiketa
Ekainaren 4ko astea: haur eskolak
Martxotik hasita, ostiralero egingo dituzte elkarretaratzeak.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.