Aldarrikapenekin jarraitzeko asmoa agertu dute Euskadiko pentsiodunek
Milaka pentsiodun kalera irten dira Euskadin beste astelehen batez. Datorren astean eta hurrengoetan ere mobilizatzen jarraitu duela iragarri du kolektibo horrek, pentsio duinak eskatzeko. Horrez gain, maiatza erdialdera erantzun "sendoa" antolatuko dutela ere azaldu dute zenbait bozeramailek, eta "lehenago edo geroago, Moncloara joango direla".
Hala, elkarretaratzeak egin dituzte gaur goizean EAEko hiriburuetan, EAJri Estatuko Aurrekontu Orokorrak ez babestea eskatzeko.
"EAJ, busti zaitez" izan da Bilboko Udalaren aurrean egindako bilkura jendetsuan gehien entzun den oihuetako bat. Bizkaiko pentsiodunen mugimenduko kideek ohartarazi dutenez, mobilizazioekin jarraituko dute helburuak lortu arte.
Bizkaiko, Arabako, Gipuzkoako eta Nafarroako pentsiodunen antolakuntzek apirilaren 19an egingo dute bilera, ekintza bateratuak koordinatzeko eta maiatzaren erdialdean mobilizazio "sendoa" prestatzeko, martxoaren 17an Bilbon 150.000 pertsona bildu zituenaren antzekoa, hain zuzen.
"Pentsioen arazoa erakunde eta alderdi guztien agendan sartzea lortu dugu", eta "beharrezkoa da mobilizazioak areagotzea", esan du Jon Fano pentsiodunen kolektiboko kide batek. "Lehenago edo geroago, Moncloara joan behar dugu", gaineratu du Luis Alejos ordezkariak.
Gasteizen ere ehunka lagun bildu dira gaur Espainia Plazan, pentsioak soilik % 0,25 igo direla salatzeko, eta ez KPIaren arabera, pentsiodunek eskatzen duten moduan.
Pentsio-planak ez direla irtenbidea kritikatu dute, eta "sistema publikoaren mantenuaren" alde egin dute. Horrez gain, "soldatetan eta pentsioetan dagoen zuloa" ezin dutela onartu berretsi dute kolektiboko bozeramaileek.
Pentsiodunen elkarretaratzea Gasteizen. Argazkia: EFE
Donostiako Alderdi Ederreko lorategietan ehunka jubilatuk egin dute bat gaurko bilkurarekin. Handik abiatuta, Eusko Jaurlaritzaren egoitzaren parean geldialdia egin, eta Boulevarden amaitu dute martxa.
Astero egiten duten bileran, "mobilizazio zabalak etengabe" jarraitu behar duela nabarmendu dute jubilatuek, "pentsioak KPIaren indizea baino gehiago igotzea" lortu arte.
Zure interesekoa izan daiteke
Talgok 1.332 milioi euroko kontratua lortu du Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Tubos Reunidosen greba gaur gauean hasiko da Amurrion, erregulazio txostenaren zain
Astelehen honetan bilduko da zuzendaritza bi lantegietako ordezkaritza sindikalarekin, eta enplegu-erregulazioko txostenaren berri emango dio.
Makinistek greba abiatuko dute, tren zerbitzuaren krisiaren ostean
Sindikatu nagusiek (CCOO, UGT eta Semaf) otsailaren 9ko, 10eko eta 11ko greba deialdiari eustea erabaki dute, Oscar Puente Garraio ministroarekin akordiorik lortu ez dutela ikusita.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".