1.000 euro baino gehiago, errugbi finaleko asteburuan Bilbon bi egun lo egiteko
Bilbon bi gau pasatzeko gela bat 1.290 euroren truke. Hori da hotelek maiatzaren 11 eta 13 arteko asteburuan ostatu hartzeko batez beste duten prezioa. Dena, San Mames futbol zelaian egingo diren errugbi finalak direla eta.
Aurreko astean, maiatzaren 4tik 6ra, logela batek, batez beste, 233 euro balio du. Errugbi finalen asteburuan, berriz, nabarmen garestitu da prezioa, 1.000 eurotik gora ordaindu behar baita gela baten truke; hots, ohi baino sei aldiz gehiago. Horren ildotik, batez beste, hiru izarreko hoteletan 1.290 euro ordaindu behar dira bertan bi gau igarotzeko; pentsioetan, 1.140 euro; lau izarreko hoteletan, 1.600; eta bi izarrekoetan, 1.740.
Bilbo erdigunean dauden apartamentuek eta ostatuek ere igo dituzte prezioak, 2.000 eta 1.200 euro inguruko salneurriak eskainita, hurrenez hurren.
Logelen prezioak ohi baino handiagoak izan arren, Bilboko hainbat hotel beteta daude; Ercilla eta Melia hotelak, esaterako. Gehienetan % 100eko okupazioa dute, eta oraindik beteta ez daudenetan bost logela baino gutxiago dituzte eskuragarri.
Bilbotik gertu dauden herrietan ere arazoak daude logelak topatzeko, eta libre daudenak ohi baino askoz garestiago dituzte. Esaterako, Zamudioko hiru izarreko hotel batean lo egiteko 1.100 euro ordaindu behar dira, eta, Santurtzin, 1.350. Derion, berriz, 600 eta 800 euro artean daude logelak.
Testuinguru horretan, KontsumoBIDEk azaldu du ostatu bakoitzak erabakitzen duela logelen prezioa.
Bestalde, asteburu berean Waterpoloko Espainiako Txapelketa jokatuko da Portugaleten, eta, horren ondorioz, Estatu osotik etorriko diren jokalariek eta zaleek zailtasunak dituzte hotela topatzeko. Asko Bizkaitik kanpo ere ari dira ostatu bila, Bilbotik 40 minutura dauden landetxeetan.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.