Elkarrizketa Mahaira itzultzeko eskatu die San Josek CCOO eta UGT sindikatuei
Elkarrizketa Sozialaren Mahaira itzultzeko eskatu die Maria Jesus San Jose Eusko Jaurlaritzako Lan eta Justizia sailburuak CCOO eta UGT sindikatuei. “Desadostasunen aurrean, gizarte-elkarrizketaren eta hitzarmenaren bideari uko egitea ez da konponbidea”, azpimarratu du sailburuak.
Elkarrizketa Sozialaren Mahaia uzteko asmoa iragarri zuen CCOOk iragan ostiralean, eta UGTk gauza bera egin du astearte honetan; iragan astean Jaurlaritzak eta Confebask patronalak Euskadiko Lan eta Kualifikazio Lankidetzarako Akordio Markoa 2018-2020 sinatu ondoren.
Sailburuaren ahotan, “Gobernuak eta EAEko patronalek iragan astean sinatutako akordioaren aurka egon arren, CCOOk eta UGTk ez lukete elkarrizketa sozialaren bidea utzi behar”.
Hala ere, CCOOk eta UGTk “betidanik” azaldu duten “hitzarmenerako konpromisoa” baloratu du Lan eta Justizia sailburuak, baina “desadostasunen aurrean, elkarrizketa sozialaren eta hitzarmenaren bideari uko egitea ez da konponbidea”, erantsi du San Josek.
Gizarte-elkarrizketa Mahaira bueltatzeko berriz eskatu die sailburuak bi sindikatuei. Hori “errealitate bihurtzeko” Sailak “eginahalak” egingo dituela ziurtatu du San Josek.
“Lan munduko arazoek, langabeziak, hezkuntzak, prekarietateak, berdintasun ezak Gobernuek eta gizarte eragileek adostutako politika eta ekintza bateratuak behar dituzte”, esan du Jaurlaritzako kideak.
Bestalde, UGTk gizon-emakumeen arteko soldata arrakalari aurre egiteko eta berdintasun planak enpresetan zabaltzeko mahaian jarraitzea aintzat hartu du sailburuak.
Zure interesekoa izan daiteke
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.