Abian da Haizea Wind enpresa eolikoaren lantegia Bilboko portuan
Haizea Wind enpresak Bilboko portuan lantegi bat inauguratu du gaur, Itsasoko egitura eolikoak ekoizteko "Europako lantegi handienetako bat", arduradunek esan dutenez. 60 milioi euroko inbertsioa egin dute, eta urtean 100 eta 160 milioi euro artean fakturatuko duela aurreikusi dute jabeek.
Eusko Jaurlaritzako eta Bizkaiko Foru Aldundiko ordezkaritza zabala izan da goizeko inaugurazio ekitaldian; besteak beste, bertan izan dira Iñigo Urkullu lehendakaria, Arantxa Tapia Ekonomiaren Garapen eta Lehiakortasun sailburua, Unai Rementeria Bizkaiko ahaldun nagusia eta Javier de Andres Espainiako Gobernuak EAEn duen ordezkaria.
Sektoreko 12 bazkidek osatzen dute Haizea Wind taldea, eta 2019ko bigarren seihilekoan lantegi osoa martxan egotea espero da. Kilometro erdiko luzera eta 25 metroko altuera du egoitzak, eta oraindik erdi hutsik dagoen arren, hasi da ekoizpena. 50 bat langile hartuko dituzte hasieran, baina 300 lanpostu inguru sortuko dituztela jakinarazi dute. Hiru lan txandatan egingo dute lan, astelehenetik igandera.
Damaso Quintana Haizea Wind enpresako administrazio kontseiluko presidenteak esan duenez, 2020rako urtean 160 milioi euro fakturatzea aurreikusten dute.
Urkullu lehendakariak, bere aldetik, Haizea Wind enpresak euskal industriari egingo dion ekarpena nabarmendu du. "Egonkortasuna, konfiantza, estrategia eta elkarlana daude inbertsio honen oinarrian", esan du.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.