'Pentsio duinak' eskatuko dituzte berriro larunbat honetan
Hego Euskal Herriko pentsiodunek eta alargunek manifestazioak egingo dituzte berriro larunbat honetan, Bilbon, Gasteizen, Donostian eta Iruñean, “pentsio duinak” eskatzeko. KPIren arabera, pentsioen balioa bi urtez handitzeko EAJ/PP akordioak 2013tik galdutako erosteko ahalmena berreskuratzeko balio ez duela uste dute elkarteek.
Aurora Bilbao eta Xabier Isasa Bizkaiko Pentsionisten Mugimenduko eta Pentsionistak Martxaneko bozeramaileek, hurrenez hurren, prentsaurrekoa eman dute ostiral honetan. “Indarra eta energia dugulako, arrazoia dugulako eta errespeta gaitzaten nahi dugulako” protesta egingo dutela zehaztu dute ordezkariek agerraldian.
Aurora Bilbaok adierazpen adostu bat irakurri du. EAJk eta PPk 2018ko Aurrekontu Orokorrak aurrera ateratzeko adostu duten akordioari dagokionez, “pentsioen sistema publikoak epe luzerako ikuspegi bat eta neurri egonkorrak behar ditu; ezin dira aurrekontuetako negoziazioen menpe egon”, adierazi du bozeramaileak.
Aurrekontuetako akordioarekin pentsiodunek 2013tik galdu duten erosteko ahalmena berreskuratzen ez dutela zehaztu du Bilbaok; orduan sartu baitzen indarrean Rajoyren Gobernuaren pentsioen erreforma. Jeltzaleen eta PPren arteko akordioak ez du “iraunkortasun faktorea” zalantzan jartzen, ondorioz, pentsioak behera egingo du bizi-itxaropenak gora egiten duen heinean, azaldu duenez. Gainera, 1.080 euroko gutxieneko pentsioa aitortzeko ezezko “biribila” eman dute orain arte, gogorarazi duenez.
“Erronka demografikoei eta bizi-itxaropenaren igoerari aurre egiteko diru nahikorik ez dagoela esaten dutenean gezurretan ari dira. Krisi aurretik baino aberastasun handiagoa dago, baina banaketa bidegabeagoa”, azpimarratu du agiri bateratuak. Espainiak batezbeste “inguruko herrialdeek baino BPGren 4 puntu gutxiago gastatzen ditu pentsioetan, 46.000 milioi euro, alegia”, gaineratu duenez.
Udan mobilizazioak mantenduko ote dituzten galdetu zaienean, Pentsiodunen Mugimenduko kideek astelehenetako elkarretaratzeekin jarraitzeko asmoa dutela aurreratu du Xabier Isasak, baina erabaki bat hartu baino lehen “jendea entzun” beharko dutela onartu du.
Eragile ugariren babesa lortu dutela nabarmendu dute larunbat honetako manifestazioen deitzaileek. Besteak beste, Euskal Herriko Eskubide Sozialen Kartako kideek, mugimendu feministek eta gazte erakundeek mobilizazioekin bat egin dute, baita Izquierda Unidak, Ezker Anitzak, UGT sindikatuak eta PSE-EEk ere. Horrela, Idoia Mendia buruzagi sozialista manifestazioan izango da.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.