Euskadiko pentsiodunek PSOEren zentsura-mozioa babestea eskatu diote EAJri
Euskadiko pentsiodunak kalera irten dira astelehen honetan Bilbon, pentsio duinez gain, Mariano Rajoy PPren Gobernuko presidentearen dimisioa eskatzeko. Zentsura-mozioa "aukera bat" izan daitekeela uste dutenez, PSOEren ekimena babestea eskatu diote EAJri.
Eguerdiko 12:00ean egin dute kontzentrazioa Bilboko Udalaren aurrean, eta gaur ere, euripean.
Joan den larunbatean Bilbon egindako manifestazio "ikaragarria" nabarmendu dute gaurko protestan. Bide batez, Udalak emandako parte-hartzaileen datua (14.000 pertsona) "gezur hutsa" dela berretsi dute, antolakuntzaren arabera, 75.000 lagun izan zirela defendatzen dutelako.
Horrenbestez, "min ematea" eta pentsiodunak "desmobilizatzen" saiatzea egotzi diote EAJri. Zentzu horretan, "haien borrokan bakean uztea" aldarrikatu dute. "Rajoyri babesa ematea baino ez badu egingo, alde egin beharko luke, joan dadila Moncloara Rajoyrekin eta utz gaitzala lasai", kritikatu dute.
Halaber, Gürtel kasuaren epaiaren ostean PSOEk jarritako zentsura-mozioak egoera "nahasia" eragin duela azaldu dute, eta gertatu daitekeenaren aurrean "zain" daudela.
Ez dutela "inoren trukerako txanpon" izan nahi azpimarratzeaz gain, haien aldarrikapenak testuinguru berri horren "agendan" sartu behar direla diote. Zentsura-mozioa dela eta hauteskundeak etor litezkeela kontuan izanik, "aukera bat" izan daitekeela esan dute, ez diela kalte egiten.
Hori bai, "zentsura-mozioa eta hauteskundeak egon ala ez egon" pentsiodunen eskaerak onartu behar direla adierazi dute. Hori dela eta, zentsura-mozioan landu beharreko gaia izatea eskatuko diete alderdi politko guztiei.
Donostian 300 bat pertsona bildu dira Alderdi Ederreko lorategian batzarra egiteko. Gipuzkoako pentsiodunak ordezkatzen dituen plataformako bozeramaileak PPri eta EAJri ohartarazi dienez, erretirodunek "borrokan jarraituko dute", gutxienez 1.080 euroko pentsioa lortu eta urtero KPIaren arabera igotzeko.
Halaber, joan den astean pentsiodunen aldarrikapenak biltzen dituen proposamena Donostiako Udalarekin eztabaidatu zutela jakinarazi du. EH Bildu eta Irabaziren babesa jaso arren, PP aurka agertu zen, EAJ abstenitu eta PSOEk puntu guztiak babestu zituen, 1.080 gutxieneko ordainketa izan ezik.
Bileraren ostean, parte-hartzaileek manifestazioa egin dute Donostiako erdiguneko kaleetan. Protesta Boulevarden egindako kontzentrazio batekin amaitu dute.
Gasteizen, 300 pertsonak baino gehiagok egin dute bat Espainia Plazan pentsio "duinak" aldarrikatzeko bilkurarekin.
Ohikoa den moduan, honako lelo hauek oihukatu dituzte manifestariek: "Lapur gutxiago erakundeetan" (Menos ladrones en las instituciones), "1.080 baino gutxiago, ez zaizkit kontuak ateratzen" (Menos de 1.080 no me sale la cuenta), eta "Borroka hau irabaziko dugu" (Esta batalla la vamos a ganar).
Ondoren, kolektiboaren aldarrikapen nagusiak azaldu dituzte, euskaraz eta gaztelaniaz irakurritako ohar batean: pentsioak KPIaren arabera igotzea, aurrekontu orokorretan bermatuta egotea, gutxieneko soldata hileko 1.200 eurokoa izatea, eta pentsio baxuena 1.080 eurokoa, besteak beste.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.