Osakidetzako azterketetan filtrazio-zantzuak ikusten dituela dio oposizioak
Osakidetzaren Lan Eskaintza Publikoaren azterketetan, gutxienez hamar espezialitatetan, filtrazioak izan direla erakusten duten zantzuak daudela uste dute oposizioko alderdiek. Hori dela eta, azalpenak eskatu dituzte gaur Eusko Legebiltzarrean.
Eusko Jaurlaritzako Osasun sailak espedientea ireki du, bi arlotan irregulartasunak izan ote ziren argitzeko, hainbat sindikatuk eta epaimahaiko kide batek hori salatu eta gero.
EH Bildu, Elkarrekin Podemos eta PP alderdietako bozeramaileek hedabideen aurrean hitz egin dute, Maria Jesus Mugica Osakidetzako zuzendari nagusiaren eta Jon Darpo Osasun sailburuaren agerraldia eskatuko dutela iragartzeko. Azaldu dutenez, filtrazio-susmo horien inguruan azalpenak eskatuko dizkiete.
Hiru taldeen arabera, zenbait hautagaik batezbestekoek baino askoz ere puntuazio hobeak atera dituzte proba batzuetan. Kardiologian, esaterako, 22 pertsonak posible ziren ehun puntuetatik guztiak atera zituzten bigarren azterketan, gainerako hautagaiek atera zutenarekin bikoitza. Espezialitate horretan 22 lanpostu eskaini zituzten.
EH Bilduko Rebeka Uberaren iritziz, Osakidetzak abiatutako espedientea "formalismo huts batean" geratzeko arriskua dago, "egoera larri bati dagokion gardentasuna eman gabe".
Cristina Macazagak (Elkarrekin Podemos) defendatu duenez, anestesia eta erreanimazio espezialitateetan notarik onenak aterako zituzten hiru hautagairen izenak biltzen dituen notario-akta bat dute.
Laura Garridok (PP), bere aldetik, bat egin du oposizioko beste bi alderdiekin, lan eskaintza publikoko azterketetan filtrazioak egon direla erakusten duten "zantzu nahiko sendoak" daudela esateko. Halaber, emaitzak "ohiz kanpokoak" eta "arraroak" direla ziurtatu du.
Osasun Sailaren eta Osakidetzaren erantzuna
Eusko Jaurlaritzako Osasun sailak eta Osakidetzak oharra zabaldu dute Elkarrekin Podemosek, EH Bilduk eta Alderdi Popularrak egindako adierazpenen harira. Idatzian adierazitakoaren arabera, Osakidetzak espediente informatiboa ireki duela gogoratu dute, joan den astean Angiologia eta Kirurgia Baskularra ataletako epaimahaiko kide batek Osakidetzako Zuzendaritza Nagusiari bidalitako gutuna ikertzeko. Espediente hori amaitzean, beharrezkoa balitz, egoerak eskatutako neurriak hartuko lituzketeela azaldu du.
Halaber, Osakidetzak ez duela irregulartasunen baten inguruko salaketa sendorik jaso azpimarratu dute. Inolako frogarik ez dagoela ere esan dute.
Bestalde, Osakidetzak ez du, gaur egun, joan den maiatzaren 12an hasitako Lan Eskaintza Publikoa bertan behera uzteko arrazoirik ikusten. Beraz, prozesuak martxan jarraituko duela ohartarazi dute.
Azkenik, pentsaurrekoa deitu dute gaur, 17:00etan, Osakidetzaren egoitza nagusian.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".