Osakidetzako lan-eskaintza publikoko beste 7 kategoria gehiago salatuko ditu LABek
LAB sindikatuak jakinarazi du Osakidetzako lan-eskaintza publikoko beste zazpi kategoria gehiago salatuko dituela Euskal Autonomia Erkidegoko Justizia Auzitegi Nagusiko Fiskaltzaren aurrean.
Ohar batean azaldu duenez, zazpi kategoria horietan izandako ustezko irregulartasunen gaineko informazioa bildu du eta fiskalari helaraziko dizkio. Horrenbestez, guztira 12 dira auzitegian salatutako kategoriak.
Halaber, kategoria horietako epai-mahaiei buruzko ikerketa bat egin du sindikatuak eta, besteak beste, "tartean Administrazioko goi-karguak" zeudela egiaztatu du.
Gauzak horrela, LABek enegarrenez salatu du "egoera larria" dela eta Osakidetzako zuzendaritzak eta Eusko Jaurlaritzaren Osasun Sailak "gardentasunik gabe" eta "ardurak bere gain hartu gabe" jarduten ari direla. Hori dela eta, "ikerketa independente bat" eskatu du.
Jon Darpon Osasun sailburuak hilaren 19an Legebiltzarrean egingo duen agerraldiari dagokionez, LABek ondokoa adierazi du: "Iruzur kasu isolatua izan dela eta neurriak kategoria gutxi batzuetan hartuko dituela esango duenaren beldur gara; eta hau guztia harago doan arazo bat da".
Amaitzeko, Osakidetzako lan-eskaintza publikoaren eredua aldatzeko "negoziazio zabala" hasteko galdegin du sindikatuak, "egungo oposaketa-sistema agortuta dagoelako".
Errepresalien eta bazterketaren beldur
Bestalde, Osakidetzako ustezko irregulartasunak argitara atera zituen anestesistak agerraldia egin du gaur Gasteizen, Julio Sanchez ESK sindikatuko abokatuak eta Patxi Nicolau OSI Arabako ordezkariak lagunduta, eta esan du profesional askok ez dutela salatzeko urratsa ematen "baztertuak izateko" eta beren ibilbide profesionala EAEn egiteko aukera galtzeko "beldurragatik".
ESK-k 19 espezialitatetan irregulartasunak izan direla salatu du eta goi-mailako ekonomia teknikarien kategorian ere irregulartasun izan direnaren susmoak ditu.
Manuel Martinezek azaldu duenez, oposaketetako azterketen filtrazioa publikoki salatu duten langileak "axolagabekeria eta etsaitasuna" pairatzen ari dira.
Martinezek egun Osakidetzan lan egiten du eta lan-poltsan dago. Beraz, kaleratuko dutenaren beldurrik ez dauka, baina konbentzituta dago "errepresaliak" jasango dituela irregulartasunak salatu izanagatik.
"Bizitza jasanezina egiten badidate, kanpora joango naiz lan bila, baina ez naiz egindakoaz damutzen, ondorioak edozein izanda ere; ezin nuen beste alde batera begiratu langileak kontratatzeko legez kanpoko praktika sistematiko eta zabaldu honen aurrean", azpimarratu du.
BIDEOA | ESK sindikatuak irregulartasun gehiago salatu ditu Osakidetzako OPEan
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.