EAEko ekonomiaren hazkundea moteldu egin da urteko bigarren hiruhilekoan
Euskal Autonomia Erkidegoko (EAE) ekonomiaren hazkundea moteltzen hasi da. Barne Produktu Gordina % 2,8 hazi da urteko bigarren hiruhilekoan, aurreko hiruhilekoan baino hiru hamarren gutxiago. Datozen bi urteei begira hazkunde aurreikuspen txikiagoa egin du Eusko Jaurlaritzak: 2019an % 2,3 eta 2020an % 2.
Pedro Azpiazu Eusko Jaurlaritzako Ogasun eta Ekonomia sailburuak, Alberto Alberdi Ekonomia sailburuordeak eta Jordi Campas Ekonomia eta Plangintzako zuzendariak ekonomiaren egoerari buruzko urteko txostena aurkeztu dute gaur goizean Gasteizen.
Azpiazu sailburuak azpimarratu duenez, eta lehen hiruhilekoan izandako azelerazioaren ondotik, Barne Produktu Gordinak % 2,8ko hazkundea izan du urteko bigarren hiruhilekoan (urte arteko terminoetan). Beraz, sailburuaren hitzetan, ekonomiak "desazelerazio txiki" bat izan du, "aurreikusi bezala".
Horrez gain, datozen bi urteetan ere nolabaiteko "moteltzea" izatea espero du Eusko Jaurlaritzak. Horren arabera, ekonomia % 2,3 haziko da 2019an eta % 2, ostera, 2020an. Enplegu tasari dagokionez, 2019rako eta 2020rako aurreikusten den bariazio tasa % 1,4koa eta % 1ekoa da, hurrenez hurren. Langabezia tasak ere beheranzko joerari eusten dio. Enplegua % 1,9 haziko da aurten eta langabezia tasa % 10,8ra jaitsiko da. 2020ari begira, % 9,6ra jaistea aurreikusten du Urkulluren Gobernuak.
Sailburuaren esanetan, ekonomiaren egoera horrek hurrengo urteetarako aurrekontu proiektuak baldintzatuko ditu. Gaineratu duenez, langileen soldatak "nabarmen" igo nahi dituzte eta igoera horiek Estatuko araudiarekin bateragarriak izatea espero dute. Halaber, aurreko urteetan osasun arloan izandako konpromiso "sendoa" mantenduko dela eta horri hezkuntza alorrean egingo den "bultzada indartsua" gaineratu behar zaiola nabarmendu du.
Bestalde, Eusko Jaurlaritzak erronka demografikoan egingo du azpimarra, familia planaren bitartez, eta etxebizitza alorrean gazteen emantzipazioa bultzatuko du.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.