VTC baimenak arautu nahi dituzten erkidegoei aukera emango die Sustapen Ministerioak
Irailean prest egongo den legedi berria garatzea proposatu die Jose Luis Abalos Sustapen ministroak erkidegoetako gobernuei, VTC baimenak arautzeko gaitasuna emango dielako, baina hala nahi ez duten erkidegoek Estatuaren araudipean jarraituko dute.
Ministerioaren egoitzan hiru ordu bilduta eman dituzte erkidegoetako ordezkariek. Abalosen proposamen nagusia hori izan da. Bestalde, VTCen eta taxien arteko gatazkari konponbideak emateko lantalde bat sortzea proposatu du ministroak. Horretarako, hiru hileko epea ezarri du.
Erabakiek mobilizazioak bertan behera uzteko balio izatea espero du Abalosek. Bi proposamenen berri taxilariei iragan astelehenean eta VTCen patronalari asteartean eman ziela erantsi du ministroak. Abalosen hitzetan, bi aldeak horretarako “prest daude”.
Eskumenak transferitu beharrean, “borondatez hala eskatzen duen erkidegoari beharrezko legedia emango diote, bere lurraldean sektorea kudeatzeko eta arautzeko”, zehaztu du Abalosek bilera amaitu ondoren.
“VTC eskuduntzak ez dira transferituko, hala nahi duten erkidegoetako gobernuei arautzeko gaitasuna eman baizik”, adierazi du ministroak. Horretarako araudia irailean prest izatea espero du Abalosek.
Neurriok “normaltasuna berreskuratzeko balio” behar dutela uste du Abalosek, hau da, taxilariek iragan asteburutik mantentzen duten greba mugagabea bertan behera uzteko.
“Eskatzen zizkiguten keinuei erantzun diegu”, ziurtatu du buruzagiak. Konfiantza eta elkarrizketarekin bat egitea eskatu die Abalosek taxi-gidariei.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.