Valerio eta Urkullurekin elkarrizketa zuzena izatea eskatu dute Bizkaiko pentsiodunek
Bizkaiko Pentsiodunen Mugimenduak Espainiako Lan ministro Magdalena Valeriorekin eta Iñigo Urkullu lehendakariarekin "elkarrizketa zuzena" izatea eskatu du, euren eskakizunak "argi eta garbi" helarazteko, eta Eusko Jaurlaritzaren proposamena arbuiatu dute, BGAEei euskal langile guztiek egindako ekarpenekin osatzeko.
Bizkaiko jubilatuen plataforma berriz elkarretaratu da, astelehenero bezala, Bilboko Udalaren aurrean, pentsio "duinak" eskatzeko eta pentsioen sistema publikoa defendatzeko. Jende gutxiago egon da, tenperatura altuak eta oporrengatik.
Aurreko astean Pentsioen Sistema Publikoaren aldeko Estatu Koordinakundeak Valerio ministroarekin izandako bilerari buruz, Bizkaiko bozeramaileek gogoratu dute ez zutela parte hartu ez zirelako gonbidatuak izan.
"Valerio ministroarekin eta Urkullu lehendakariarekin elkarrizketa zuzena izatea" defendatu ostean, bilera hura "kortesia" izan zela esan dute. Jubilatuen aldarrikapenak helarazi zioten ministroari. Tartean, pentsio minimoa 1080 eurora igotzeko proposamena, Euskaditik bultzatua.
"Ministroaren erantzuna hitz onekoa izan zen, baina eduki gutxikoa", esan dute.
Argitu dutenez, Valerio ministroak "zalantzak azaldu zituen" Gizarte Segurantzan kotizatzeko maximoa kentzearen proposamenari.
BGAEen kontra
Elkarretaratzean Eusko Jaurlaritza ere kritikatu dute, euskal langile guztientzako pentsioen plan osagarri pribatuak proposatzeagatik, borondatezko gizarte-aurreikuspeneko erakundeen (BGAE) bitartez, administrazioetako langileek dutenen antzerakoak.
Proposamenak "gizarte segurantzaren kotizazioak % 6 gutxitzea" ekarriko lukeela uste dute, eta auzi horretan "aurrean izango gaitu" Jaurlaritzak. “Ez dugu onartuko iruzur egitea ezta lapurtzea ere", esan dute.
Bizkaiko pentsiodunen ustetan, BGAEek "Gizarte Segurantza deskapitalizatzen dute eta justifikatu gabeko pribilegio fiskalak dituzte".
Esan dutenez, Euskadiko BPGaren % 34 ordezkatzen dute gizarte-aurreikuspeneko erakunde hauek, eta "kapital horren zati gehiena Euskal Herritik kanpo inbertituta dago, helburua ezagutu gabe".
BGAEak "bankuentzat baino ez dira errentagarriak. Lehentasunezko negozioa bihurtzen ditu, pentsio maximoa bermatuta duten errenta altuentzat. BGAEek ez dute aberastasuna banatzen, desberdintasunak areagotzen baizik", kritikatu dute.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.