Ontziola dragan lan egiteko prest dagoela jakinarazi dio Navalek Van Oord armadoreari
Ontziola “nahi dutenean eta bihartik aurrera” Vox Alexia dragan lan egiteko prest dagoela jakinarazi die La Navaleko zuzendaritzak Van Oord Herbehereetako armadorearen kontseilariei, sindikatuetako iturriek jakitera eman dutenez. Hiru orduko bilera egin dute ostegun honetan.
Dragaren egoeraren inguruko dossier bat entregatu diete ontziolako zuzendariek Van Oordeko kontseiluaren bi ordezkariei. Ontziaren % 30 eginda dago. Sestaoko nasetara itzultzeko agindua jasotzen dutenean lanari berriz nola helduko dioten, metodo eta ekipoen egoeraren berri eman diete dossierrean.
Bestalde, “lanak ezarritako epe eta denboran amaituko” dituztela jakinarazi diote langileek Herbehereetako armadoreari, konkurtso-administratzailearen eta zuzendaritzaren bidez. “Jadanik Van Oordek 18-20 hilabete onartu” zituela gogorarazi dute beharginek.
Txostena ontziko jabearen eskuetan utziko dute Herbehereetako enpresaren kontseilariek. Ontziolako zuzendaritza eta administratzailea presidentearekin bilduko dira abuztuaren 14an, Rotterdamen. Bi aldeek aurreakordioa lortzea espero da.
Eraikuntza lanei “berriz heltzeko baldintzak negoziatzen hasteko asmoarekin” Rotterdameko bilerara joango dela azaldu die konkurtso-administratzaileak langileei, draga “Sestaoko nasetan amaituko dela ziurtzat jotzen baitu”.
“Lanean hasten baldin badira inbertitzaileren bat erakartzea errazagoa izango da, baina hilabeteak pasa eta Van Oordekin akordiorik ez badago, Naval likidazio argi eta garbira zigorturik dago”, esan die administratzaileak enpresa-batzordeko ordezkariei.
Sindikatuen hitzetan, egungo langile kopurua urte eta erdian ontzia bukatzeko nahikoa da. Hala ere, armadoreak eman beharreko hurrengo pausoaren aurrean “mesfidantza” agertu du enpresa-batzordeak.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek, maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.