50 urte baino gehiagoko eraikinen % 71k ez dute ikuskaritza teknikoa egin, Euskadin
Euskadin EIT (eraikinen ikuskaritza teknikoa) egin behar zuten eraikinen % 71k oraindik ez dute pasatu, Ingurumen, Lurralde Antolakuntza eta Etxebizitza Sailak dekretu berria indarrean jartzeko egun bat falta denean.
Eusko Jaurlaritzan izena eman duten 73.429 eraikinetatik 21.416k soilik gauzatu dute EIT, guztira, % 29k. Dekretu berriak ezarritako berritasunen artean, bide publikora ematen duten familia bakarreko etxebizitzek eta beste erabilera intentsiborik ez duten eta bizitegiko erabilera soilik duten baserriek EIT pasatu beharko dute hemendik aurrera.
Testu berria asteazken honetan aurkeztu du Pedro Arriola Eusko Jaurlaritzako Etxebizitza sailburuak. Dekretuan sartutako aldaketek eta hobekuntzek "EITak egitera bultzatzen laguntzea" espero du, "teknikoen zeregina erraztuz, eta, bereziki, Udalei eta eraikinen jabeei dagozkien izapideak erraztuz".
Gaizki-ulertuak eta praktika txarrak ekiditeko helburuarekin, dekretuak hainbat kontzepturen definizioa zehaztu du, besteak beste, "nagusiki egoitzako erabilera", "zer da portale bat?"; nola kontatu "eraikin baten adina"?; edota nola ulertu behar dira "bidezko doikuntzak" eskuragarritasun gaian?.
Dekretu berria
Baserriekin zerikusia duten kasuetan, araudi berriaren arabera, ez da "nagusiki bizilekuen erabilera" dutela jasotzen, eta, beraz, EIT pasatu beharko dute derrigorrez, etxebizitzez gain, beste erabilera intentsibo batzuk dituzten eraikinak, Erregistro Industrialean edota Euskadin laborantza ustiapenen erregistroan izena ematera behartzen dituztenak.
Halaber, izapideak eta prozedurak kendu ditu, besteak beste, Tekniko Inspektorearen Deklarazio Arduratsua, izan ere, EIT berak hori adierazten du.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.