Itzuliko al dit Ogasunak amatasun laguntzaren PFEZaren zenbatekoa?
Ostiralarekin etorri zen albistea. Auzitegi Gorenak ebatzi zuenez, amatasun prestazio publikoei ezin zaie Pertsona Fisikoen Errentaren Gaineko Zerga (PFEZ) ezarri, eta emakumeek erditu osteko 16 hilabeteko bajan jasotzen duten prestazioan salbuetsita egon behar du atxikipen horrek. Hala, Zerga Administrazioko Espainiako Agentziak ordura arte ezarritako irizpidearen kontra egin zuen Gorenak, dirutza itzultzera behartuta.
Ordudanik, zalantza sortu da milaka gurasoren artean: Niri ere badagokit itzulketa? (azken lau zerga-ekitaldiei bakarrik eragiten die —2014 urtetik aurrerakoak—, besteak iraungita baitaude) Non eta nola eska dezaket? EAEko eta Nafarroako zergadunen artean handiagoa da duda-muda, Gorenaren epaia Estatuko lege baten gainekoa baita (2006ko PFEZarena). Estatuko lege horrek ez zuen argi uzten prestazioak salbuetsita zeuden ala ez, eta interpretaziorako tartea zegoen. Kontu zalantzagarri horren inguruan irizpidea ezarri zuen Gorenak.
Bizkaian, Gipuzkoan, Araban eta Nafarroan, foru eskuduntzen artean dago PFEZa arautzea, eta hortaz, zerga horren inguruko lege propioa garatu du bakoitzak. Orain arte, Foru Aldundiek Zerga Administrazioko Espainiako Agentziaren irizpide bera izan dute, alegia, laguntzak soldataren parte direla, eta beraz, zerga ezarri behar zaiela. Gorenaren epaiak Estatuaren irizpide hori oker interpretatzen ari zela ondorioztatu zuen, baina argitzeke dago foru legeen inguruan interpretazio bera egin daitekeen. Nafarroan, amatasun prestazioak salbuetsita egon ziren 2012ra arte, baina UPNren Gobernuak, PP eta PSN alderdien aldeko botoekin, legea aldatu eta espresuki aipatu zuen salbuetsita ez zeudela.
eitb.eus lau Ogasunetako arduradunekin harremanetan jarri da, auzia argitzeko asmoz:
ARABA
2013tik, amatasun laguntza lan-etekin gisa hartzen da, eta dagokion PFEZa ezartzen zaio, gaixotasun bajekin egiten den bezala. Hala, amatasun prestazioak ez daude salbuetsita.
Dena dela, egoera ez da beti horrela izan. 2009-2011 ekitaldien artean amatasun eta aitatasun prestazioa salbuetsita egon zen Araban. 2010ean, Arabako Erakunde Juridikoak —zergadunen eta Foru Ogasunaren artean bitartekaritza lanak egiten dituen erakundea— arrazoia eman zion PZEFa kobratu zioten ama bati.
Handik hiru urtera, baina, Arabako Batzar Nagusiek amatasun laguntzen zerga salbuespena kendu zuten, egoera Bizkaikoarekin eta Gipuzkoakoarekin parekatzeko.
BIZKAIA
Bestalde, Bizkaiko Ogasuneko zerbitzu juridikoek epaia "aztertzen" ari direla esan dute, foru araudiari eragiten dion argitzeko.
Erakundeko iturrien arabera, 2013ko PFEZaren foru araudiaren 9.12. artikuluak ezarritakoaren arabera, Erkidegoetatik edo beste toki-erakundeengatik jasotako amatasun eta aitatasun bajen prestazio publikoak salbuetsita daude. Beste hauetan ere, gauza bera gertatzen da: jaiotzatan, erditze bat baino gehiagotan, adopzioetan, adopzio bat baino gehiagotan, seme-alabak kargura dituzten familietan eta zurztasun kasuetan.
Bizkaiko Ogasunak dirua itzuli behar duen argitu "orduko" jakinaraziko die zergadunei.
GIPUZKOA
Bizkaiko Ogasunak, berriz, ezetz biribil batez erantzun du eta Gorenaren epaiak "jurisprudentzia ez duela ezartzen" esan du, epaia "kasu bakar bati egokitzen baitzaio". Hori horrela, Gipuzkoan, "oraingoz", amatasun bajak PFEZaren barruan deklaratzen jarraituko dira.
NAFARROA
2012an legean egindako moldaketak —2013an sartu zen indarrean— "argi eta garbi" uzten du amatasun prestazio publikoen PFEZa ordaindu behar dela. Hortaz, Estatuko legea ez bezala, Nafarroakoa "oso argia" da. Hartara, itzulketak eskatu nahi dituzten emakumeek "zail" izango dute auzitegiek arrazoia ematea, Ogasuneko iturriek azaldu dutenez.
Dena dela, "galera" hori konpentsatzeko seme-alaba edukitzen dituzten familientzako laguntza onartu zuen uztailean Nafarroako Gobernuek. Adostutakoaren arabera, amatasun edo aitatasunagatik bajan egondako gurasoek % 25eko kenkaria izango dute errenta aitorpena egitean. Portzentaje hori progresiboki jaisten joango da diru-sarrerak handituz joan ahala (urtean 105.000 euro baino gehiago kobratzen dutenei ez diete kenkaririk aplikatuko). Laguntza hori 2019an sartuko da indarrean.
Albiste gehiago ekonomia
Epaileak Balenciaga ontziola erosteko baimena eman die Abu Dhabi Port eta Premier Marine enpresei
Eragiketa gauzatzen bada, 2024tik indarrean dagoen hartzekodunen konkurtsoari amaiera eman ahal izango dio Zumaiako enpresak.
Gasteizko lorezainen greba "ahalik eta lasterren" amaitzea espero du Etxebarriak
Maider Etxebarria Gasteizko alkatea "baikor" agertu da lorezainen grebaren amaieraren inguruan, "ahalik eta lasterren" amaitzea espero baitu.
Euskadira iritsiko den zenbatekoa jakin zain, Eusko Jaurlaritzak txalotu egin du elektrifikazioan aurreikusitako inbertsioa
Mikel Jauregi Industria sailburua pozik agertu da Rajoyren garaian ezarritako inbertsio-mugak ezabatzeko formulak aurkitu dituelako Espainiako Gobernuak, eta, aldi berean, positibotzat jo du inbertsio-hazkundea neurri handi batean industriari zuzenduta egotea. Datorren astean aldebiko bilera bat egingo dute bi administrazioek, proposamenaren xehetasunak zehazteko.
Espainiako Gobernuak 13.590 milioiko inbertsioa proposatu du sare elektrikoan 2030era arte, % 65 gehiago
Proposamenaren arabera, 14 aldiz handiagoa izango da kontsumitzaile berrientzako garraio-sarerako sarbidea, 27,7 gigawattera arte (GW), eta garrantzi berezia izango dute industriak (9 GW), hidrogeno berdeak (13,1 GW) eta datu-zentroek (3,8 GW). Sorreran, 150 GW fotovoltaiko, 60 GW eoliko eta 100 GW biltegiratze baino gehiagoko eskaerak erregistratu dira.
Gasteizko lorazainek 5.000 sinadura aurkeztu dituzte gatazka konpontzeko bidean Udalaren "benetako inplikazioa" eskatzeko
Martxotik greban dauden Enviser enpresako enpresa batzordeak 5.098 sinadura eraman ditu gaur San Martingo udal bulegoetara. Gasteizko Udalaren inplikazio handiagoa eskatu dute langileek, eta herritarrengandik jaso duten babesa eskertu dute.
KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.
Sabadelleko kontseiluaren arabera, BBVAren eskaintza ez da nahikoa, eta ez onartzeko gomendatu die akziodunei
Horren ustez, akzioak erosteko eskaintza "oldarkorra" da, "ez du bankuaren akzioen berezko balioa behar bezala jasotzen", eta Sabadellen proiektua "nabarmen gutxiesten du".
Merkatuek esperotakoa betez, % 2an mantendu ditu EBZk interes-tasak
Europako Banku Zentralak berretsi du inflazioa % 2ko helburuan egonkortzeko "erabakia" duela epe ertainera, eta, horretarako, tasak finkatzeko orduan, datuen araberako ikuspegia "bileraz bilera" aplikatuko dela.
Eusko Jaurlaritzak siderurgiako, makina-erremintako eta automobilgintzako muga-zergei buruzko mahaiak jarriko ditu martxan
Muga-zergen maparen "azken argazkiaren" faltan, Eusko Jaurlaritzaren kalkuluen arabera, EAEk AEBra egiten dituen esportazioek 349 milioi euro inguruko gainkostua izan dezakete, eta salmentek 700 milioi euro inguru egin dezakete behera, BPGa % 0,33 jaitsita. Salmenten murrizketa % 22-27koa izango litzateke kaltetutako produktuetan.
Kongresuak atzera bota du lanaldia murrizteko proiektua, PP, Vox eta Juntsen botoekin
Hiru alderdion baturari esker, Yolanda Diaz Lan ministroaren legealdiko proiektu izarrak bere bidea amaitu du Kongresuan. Bere hitzartzean, gogor mintzatu da Sumarreko burua, bereziki Juntsen aurka, eta ohartarazi du "borroka hau kalean irabazita" dagoela.