Jaurlaritzak proposamen zehatzagoa eskatu dio EH Bilduri, eta errealistagoa Podemosi
Euskadiko Aurrekontuen negoziazioaren harira, Josu Erkoreka Eusko Jaurlaritzako bozeramaileak proposamen zehatzagoak eskatu dizkio EH Bildu alderdiari. Bestalde, Erkorekak esan du Elkarrekin Podemosek aurkeztutako 15 neurriak ez direla oso errealistak.
Modu horretan erantzun die bi alderdi horiek egindako proposamenei. Izan ere, EAJk eta PSE-EEk gutxienez alderdi horietako baten babesa behar dute datorren ikasturteko kontuak onartzeko.
Gauzak horrela, Jaurlaritzak gaur bertan izandako bileraren ostean, prentsaurrekoa eman du Erkorekak. Bertan, Pedro Azpiazu Ogasun eta Ekonomia sailburuak oposizioko taldeekin izandako batzarren nondik norakoak argitu ditu.
Orain arte, EH Bildu eta Elkarrekin Podemos alderdiekin bildu da, eta bihar PPrekin du hitzordua. Azken horrek argi utzi du, ostera, EAJk, Autogobernuaren aferan, EH Bildurekin lortutako akordioa atzera bota ezean, ez dituela Aurrekontuak babestuko.
Azpiazuk PPri buruz duen iritziaz galdetuta, Erkorekak erantzun du "orain arte alderdi guztiak agertu dira elkarrizketaren alde". Horregatik, positibotzat jo du hiru alderdien jarrera, eta adierazi du Jaurlaritzak proposamen guztiak aztertuko dituela "errealistak eta bideragarriak" diren ala ez jakiteko.
Esan bezala, Elkarrekin Podemosen proposamenak jaso berri ditu Azpiazuk, eta EH Bildurenak aurki iritsiko omen zaizkio. Dena den, atzo bertan Arnaldo Otegi EH Bilduko koordinatzaileak bi abstentzio eskaini zizkion baldin eta "pentsio baxuenak osatzen badituzte", "kalitatezko enplegua sortzen badute" eta "lan munduan emakumezkoen eta gizonezkoen arteko desberdintasunekin bukatzen badute".
Ildo horretan, Erkorekak zehaztu du puntu horiek orokorregiak direla, eta EH Bildu aldaketa sozialari buruz ari dela hizketan, kontuan izan gabe aurrekontu proiektua "nagusiki soziala" dela.
Hori dela eta, zehatzagoa izateko eskatu dio Otegiren alderdiari, Jaurlaritzaren helburuetako bat kalitatezko enplegua sortzea dela argudiatuta. Halaber, nabarmendu du Euskadi dela pentsioak gehien osatzen dituen autonomia erkidegoa, guztira 10.000 lagunengana iristen direlako diru-sarrerak bermatzeko errentari esker.
Elkarrekin Podemosek egindako eskariari dagokionez, oraindik ez dute sakontasunez aztertu, baina hasiera batean, behintzat, proposamen horiek aintzat hartuz gero, aurrekontuek 1.500 milioi euroko hazkundea izan beharko luketela azaldu du Erkorekak. "Horrek sekulako eragin ekonomikoa izango luke", gaineratu du. Beraz, badirudi Podemosen proposamena ez zaiela bideragarria iruditu, nahiz eta negoziatzeko prest agertu diren.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.