EH Bildurekin eta Elkarrekin Podemosekin hasi ditu Aurrekontuen negoziazioak EAJk
Pedro Azpiazu Ogasun eta Ekonomia sailburuak hasi ditu jada Euskadiko 2019ko Aurrekontuen negoziazioak, EH Bildu eta Elkarrekin Podemos alderdiekin bilduta.
Gauzak horrela, Lander Martinez Elkarrekin Podemoseko bozeramaileak akordio posibleei buruz galdetu dio gaur Iñigo Urkullu lehendakariari.
Autogobernurako akordioa EH Bildurekin adosten duten bitartean, PPk argi utzi du ez dituela Aurrekontuak babestuko. Horregatik, PPrekin akordioak hitzartzeko garaia bukatu dela gogorarazi dio Martinezek EAJri.
Era berean, Elkarrekin Podemosek Aurrekontuak negoziatzeko beldurrik ez duela esan dio Urkulluri. Horretarako, Unidos Podemosek Pedro Sanchezen Gobernuarekin duen "harremana" aintzat hartzea proposatu dio, alegia, "titular handirik gabeko eta autogobernuaren gaia alde batera uzten duen negoziazioa" abiatzea.
"Gizarte politikan 180 graduko aldaketa nahi dugu". Hitz egin dezagun enpleguari, osasunari eta Naval ontziolari buruz. Zuen esku dago, eta porrotaren erantzukizuna zuena bakarrik izango da", adierazi du.
Lehendakariak, bere aldetik, "aurrekontuekin hertsiki" lotuta egongo den negoziazioa izango dela, eta Jaurlaritza alderdi guztiekin hitz egiteko prest dagoela azpimarratu du. Ildo horretan, Urkulluk argitu du Ogasun sailburuak proiektuaren lerro nagusiak aurkeztu dizkiola Martinezi.
Bukatzeko, azaldu du EH Bilduk ere ezagutzen dituela proiektuaren nondik norakoak. PPrekin, ostera, telefonoz soilik hitz egin du.
Inbertsioak % 7 igoko dira aurrekontuetan
Alberto Alberdi Ekonomia sailburuordeak iragarri duenez, Eusko Jaurlaritzak 2019rako prestatu duen aurrekontu proiektuan inbertsioak % 7 igoko dira.
Alberdik lege-proiektuaren hainbat zifra aurreratu ditu gaur Bilbon Deustuko Unibertsitateak banketxeekin antolatutako jardunaldi batzuetan.
Alberdiren esanetan, aurten zerga-kontsolidazioaren alde egingo du Gobernuak, hau da, defizita zeroan mantentzearen alde.
Sailburuordeak ez ezik, Iñigo Urkullu lehendakariak ere aurrekontu proiektuaren inguruko iragarpena egin du, Eusko Legebiltzarrean. Jakinarazi duenez, diru-sarrerak bermatzeko errentaren jasotzaileek langile publikoek besteko igoera izango dute, hots, % 2,25ekoa.
Alberto Alberdi Ekonomia sailburuak Bilbon azaldutakoaren arabera, Jaurlaritzak "zerga-kontsolidazioaren alde" egingo du, baina era berean, "ekonomiaren hazkundea bultzatzeko faktoreak babestuko ditu: berrikuntzan % 5 gehiago gastatzea, inbertsioak % 7ra igotzea eta giza kapitala hobetzea, batez ere Hezkuntza alorrean".
Zorpetzea kontrolatzea ere izango dute xede, "Zorra nabarmen jaitsi dugu, eta horrenbestez, hobeto prestatuta gaude interes tasen balizko igoera baten aurrean", nabarmendu du Alberdik.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.