Pentsioen osagarrietan eta enpleguan 420 milioi inbertitzea proposatu du EH Bilduk
"Aurrekontuetarako proposamen bideragarria" aurkeztu dio EH Bilduk Eusko Jaurlaritzari, pentsio baxuenen osagarrietan 350 milioi euro eta lan politikak "bideratzera" 70 milioi euro inbertitzeko. Koalizioaren arabera, proposamenak Finantzen Euskal Kontseiluak diseinatutako markoan "sartzen" da, eta beraz,"ez da aitzakia ekonomikoetarako lekurik egongo".
Maddalen Iriarte eta Nerea Kortajarena legebiltzarkideek aurkeztu dute 2019ko aurrekontuak errazteko proposamena, EH Bilduren bi abstentziorekin. Horretarako, Eusko Jaurlaritzak "kalearen aldarriari kasu egin behar dio eta orain arte PPren eskutik egin dituen politikak zuzentzen hasi behar da".
Exekutiboari eta agintean dauden bi alderdiei, EAJ eta PSEri, bidali die proposamena. Sozialistei ostegunean azaldu zizkien proposamenaren lerro orokorrak EH Bilduk. Iriarteren hitzetan, “sintonia” egon zen bileran.
Jeltzaleei ere biltzeko eskatu die EH Bilduk, eta "Aurrekontu hauek onartzeko asmoa badauka, lehenbailehen egingo dela" uste du koalizioak.
Iriarteren arabera, koalizioak aurrekoak bere egiteko "egiturazko aldaketak behar lirateke, Pedro Azpiazu Ogasun sailburua asteartean aurkeztuko duenaren oso bestelako aurrekontua behar litzateke".
Hala ere, "Jaurlaritzen esku dago bere politikak zuzentzen hastea". Zentzu horretan, Finantzen Euskal Kontseiluaren azken datuek "aldaketa horretarako aukera ematen dute", Jaurlaritzak "gure gizartearen sektore apalenen beharrei premiaz ekiteko".
"Pentsio baxuenak osatzea, gazteentzako kalitatezko enplegua sustatzea eta emakumeok sufritzen dugun soldata arrakala borrokatzea, aurrekontu hauek onartzeko gutxiengoa da", esan du.
Iriartek adierazi duenez, Finantzen Euskal Kontseiluak "diseinatutako marko orokorrean sartzen da, arazorik gabe". Horregatik, eskaintza honen aurrean "ez da aitzakia ekonomikoentzako lekurik egongo" eta "erabaki politikoa" izango da.
Pentsioak
Pentsio baxuenak osatzeko, 350 milioi euroko inbertsioa proposatu du EH Bilduk, "1.080 euroko pentsio minimoa "modu progresiboan" lortzeko "zerumugan lehen pausoa" bezala, esan du Kortajarenak.
Legebiltzarkideak ohartarazi duenez, EAEn 190.000 pertsonak jasotzen dute Gutxieneko Soldatatik beherako pentsioak, eta horietako "15.000k baino ez dute osagarririk", Diru-sarrerak Bermatzeko Errentaren bitartez. Horregatik, bere ustez, kolektibo honen prekarietatea "arindu" behar da, "hileroko osagarri baten" bidez, eta horrek hurrengo ekitaldietan ere "jarraikortasuna izan" beharko luke, sistemari, eredu fiskalari, Gizarte Segurantzaren eskuduntzari eta Gutxieneko Soldatari buruzko "eztabaida serio batekin batera".
Enplegua
70 milioi euroko inbertsioa ere proposatu du EH Bilduk, bereziki emakumeak eta gazteak "kolpatzen" dituen "lan merkatuko prekarietateari" aurre egiteko. Helburu horrekin, enplegu politiketan "lidergoa berreskuratzeko" hamaika plan proposatu dituzte.
Horien artean gazteen "kalitatezko enplegua" sustatzeko 20 milioi euroko plan bat dago. 5.000 gazteri zuzenduta dago, hiru urteko konpromisoa eta gutxienez 1.200 euroko soldata dituzten lan-kontratu mugagabeak bultzatzeko.
Belaunaldien arteko elkartasun plan bat ere proposatu dute, 20 milioi euroko inbertsioarekin. Horien bitartez, lan merkatuan "erreleboari modu ordenatuan" ekingo litzaioke. 10.000 gazte, emakume eta luzaroko langaberentzat dago zuzenduta.
Gainera, hurrengo partidak ere dakartza EH Bilduren proposamenak: luzaroko langabeen arreta pertsonalizaturako plana (10 milioi), soldata arrakala borrokatzeko plana (4 milioi), "zaintzak demokratizatzeko eta duin egiteko" neurriak (4 milioi), ekonomia zirkularra promozionatzeko neurriak (5 milioi), "talentua aberriratzeko" plana (1,5 milioi), doktoretza-ikertzaileen formazio bekak sendotzeko plana (milioi bat), enpresen "demokratizazioan" oinarritutako "enpresa-eredu berria" sustatzeko neurriak (milioi bat) eta "transmisio, itxiera edo porrot egoeretan" enpresen aktibitatea langileen esku mantentzeko neurriak (2 milioi).
Proposamena aztertuko du Eusko Jaurlaritzak
Ogasun Sailaren iturrien arabera, publikoki aurkeztu baino "lau minutu lehenago" jaso dute EH Bilduren proposamena, eta dauden "marko ekonomikoa eta eskuduntzak" kontuan hartuta aztertuko dute.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.