Amazoneko eta Correoseko langileen lanuzteak, 'Black Friday' egunean eta Gabonetan
CC.OO. eta UGT sindikatuek greba deitu dute Amazonen, Black Friday egunerako eta Gabonetako kanpainarako, zuzendaritzarekin izandako negoziazioetan akordiorik lortu ez dutela ikusita.
Hala, azaroaren 23an eta 24an, abenduaren 7tik 9an, abenduaren 15ean eta 30ean eta urtarrilaren 3an eta 4an egingo dituzte lanuzteak, alegia, urteko salmenta handienak izaten diren egunetan, aipatu sindikatuetako iturriek jakinarazi dutenez.
Duela hainbat hilabete iraungitako lan hitzarmenaren negoziazioa ez ezik, enpresa ireki zutenean langileei ezarritako baldintza berak aldarrikatu dituzte sindikatuek.
Greba deitu orduko izandako bileretan akordiorik lortu ez bazuten ere, berriro ere negoziazioei eustea begi onez jo dute, lan gatazka modu baketsuan konpontzeko "itxaropena" ematen dielako. Izan ere, abuztuaren 1ean bildu ziren azkenekoz.
Mobilizazioak Correosen
Correosen ordezkaritza duten sindikatuek (CC.OO., UGT, CSIF eta Sindikatu Askea) iragan asteartean hasi zituzten protestak, eta Black Friday egunerako eta Gabonetako kanpainarako ere greba deitu dute.
Horrekin, finantzaketa publikoa eskatuko dute, baita enplegu plan bat zehaztea ere. Halaber, soldaten, lan baldintzen eta langileen eskubideen hobekuntza aldarrikatu dute, sindikatuek adierazi dutenez. Gainera, aurreratu dute eskatutakoa betetzen ez bada, 2019rako ere mobilizazioak deituko dituztela.
Gauzak orrela, 24 orduko lanuzteak egingo dituzte Black Friday egunean eta abenduaren 21etik 26ra.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.