Gidari bat hil da Arlesen, 'txaleko horien' protesta batean
Gidari bat hil da gaur gauean Arlesen, Frantzia hegoaldean, 'txaleko horien' protestetan. Hirugarren pertsona da protesta hauetan hiltzen dena.
Ezbeharra 02:00ak aldera gertatu da Arlesetik gertuko errepide batean. Manifestariek errepidea moztu dute eta argitu ez diren arrazoiak medio, auto batek atzetik eman dio kamioi bati. Ondoren, beste auto baten kolpea jaso du berak ere atzetik. Gidaria bertan hil da berehala.
Emmanuel Macron presidentea, bere aldetik, Frantzian da berriz ere, Argentinan, G-20aren goi-bileran, parte hartu ondoren, eta Garaipenaren Arkura joan da goizean, atzoko istiluek eragindako txikizioak ikustera. Inguru horretan izan ziren liskarrik handienak, izan ere.
Poliziak jakitera eman duenez, Parisen bakarrik 133 lagun zauritu ziren atzo eta 412 pertsona atxilotu zituzten (horietako 378k komisarietan jarraitzen dute).
Frantzia osoan, 263 pertsona zauritu ziren (bost larri) eta 682 atxilotu zituzten.
Larrialdi egoera, aztergai
Frantziako Gobernua larrialdi egoera ezartzea aztertzen ari da Parisko istiluak berriz ere errepikatzen badira. Izan ere, azken 10 urteetako liskarrik gogorrenak izan ziren atzokoak. Benjamin Griveaux bozeramaileak negoziatzera esertzeko eskatu die manifestariei. "Istiluak errepikatu ez daitezen hartu behar ditugun neurrietan pentsatu beharra daukagu" esan du Griveauxek Europe 1 irrati katean.
Emmanuel Macron presidenteak larrialdiko bilera egin du Edouard Phillipe lehen ministroarekin eta Christophe Castaner Barne ministroarekin, liskarren ingurukoak aztertzeko eta 'txaleko horien' mugimenduarekin elkarrizketa nola hasi erabakitzeko.
"Ezin dugu onartu astebururo indarkeria uholde hau egotea" esan du Griveauxek.
Protestaren arrazoiak
'Txaleko horiak' izenez ezagutzen den mugimendua sare sozialen bidez sortu zen, alderdi zein sindikatuetatik at, baina indar handia lortu du.
Emmanuel Macronen Gobernuak erregaien zergak igotzea erabaki du, "trantsizio energetikoa" bultzatzeko. Energia kutsatzaileen erabilera "oztopatu" nahi du horrela, eta aldaketa klimatikoari aurre egin. Horretarako, diesela 7,6 zentimo igotzea erabaki du eta gasolina 3,9 zentimo. Urtarriletik aurrera, gainera, 6 eta 3 zentimoko tasa gehigarria aplikatuko dute, gainera, hurrenez hurren, bi erregai mota horietan.
Herritarren gehiengoa igoera horien kontra dagoela esan dute 'txaleko horiek' eta herritarren babes osoa dutela. Gaur egun 1,48 eurotan dago, batez beste, erregaiaren prezioa Frantzian.
Protestak protesta, baina, oraingoz, Macronek erregaien zerga ekologikoa ezartzeko erabakia mantenduko duela esan du.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.