Pentsio baxuenak 823 euroraino osatzea proposatu du Jaurlaritzak
Diru-sarrerak Bermatzeko Errentaren bidez 2020an pentsio baxuenak 823 euroraino osatzea proposatu du Eusko Jaurlaritzak, EH Bildu koalizioari bidali dion 2019rako Aurrekontuen azken proposamenean. Hain zuzen, pentsioen igoera mailakatua proposatzen du Jaurlaritzak: % 7ko igoera 2019an, 783,65 euroraino, eta % 5ekoa 2020an, 823 euroko diru-saria osatu arte.
Pedro Azpiazu Ogasun eta Ekonomia sailburuak eman du horren berri, Bilbon egin duen agerraldian. Horren hitzetan, aurrekontuak onartuz gero, 40.000 pentsiodunek jasoko lukete laguntza hori.
Horrekin batera, enplegu alorrean 45 milioi euroko inbertsioak eskaini ditu sailburuak datozen bi urteetarako, bereziki gazteei, emakumeei eta iraupen luzeko langabeei zuzenduta.
Bestalde, finantzen ikuspegitik jasangarriak diren inbertsioak adostea ere eskaini dio EH Bilduri Jaurlaritzak. 50 milioi euro, Osasuna, Hezkuntza, Ingurumena eta Etxebizitza alorretan inbertsioak egiteko.
Guztira, 140 milioi euro bideratuko lituzke Eusko Jaurlaritzak aipatutako neurriak ezartzera datozen bi urteetan. Horrez gain, kontziliaziorako laguntzetan 2012an ezarri ziren murrizketak ezabatzea proposatu du Jaurlaritzak.
EH Bildurekin akordiorik oraindik ez dutela itxi ziurtatu du, baina "datozen orduotan" adostasun batera heltzeko "itxaropena" agertu du sailburuak. "Garaiz gabiltza oraindik", esan du.
Azpiazuren arabera, aurrekontuen inguruan akordioa erdiestea da "helburu nagusia", eta bide horretan "diskrezioz" lanean ari direla gaineratu du.
Negoziazioak
2019ko Aurrekontuen negoziazioan buru-belarri murgilduta daude Eusko Jaurlaritza eta EH Bildu. Koalizioak Exekutiboaren proposamen bat dauka mahaiaren gainean, pentsio baxuenak Diru-sarrerak Bermatzeko Errentaren (DBE) bidez osatzeko.
Eusko Jaurlaritzako iturrien arabera, azken zubi honetan etengabeko harremana izan dute bi aldeek, jarrerak hurbiltzen saiatzeko.
PPk eta Elkarrekin Podemosek aurkeztutako osoko zuzenketak eztabaidatzeko bilkura egingo dute asteartean Eusko Legebiltzarrean. EH Bilduk ez du osoko zuzenketarik aurkeztu, eta bere abstentzioak beste bi taldeenak aurrera egitea saihestu dezake.
EH Bildurentzat, pentsio baxuenak osatzeko formula aurkitzea da gakoa. Eusko Jaurlaritzak behin eta berriz esan duenez, euren eskumenetatik kanpo dago, eta hori egiteko bide bakarra diru-sarrerak bermatzeko errenta erabiltzea da.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.