Eusko Jaurlaritzaren azken proposamena 'nahikoa ez' dela uste dute pentsiodunek
2020an pentsioak 823 euroraino osatzeko proposamena egin zuen Eusko Jaurlaritzak. Azken proposamen hori “pauso bat”, baina “nahikoa ez” dela uste du Adinekoen Elkarteen Gipuzkoako Plataformak.
Miguel Gortadi eta Antton Karrera plataformako bozeramaileek prentsaurrekoa eman dute gaur, datorren larunbatean Donostian egin beharreko manifestazioa aurkezteko. “Pentsio publiko duin” batzuen aldeko “konpromisoa” aldarrikatuko dute protestan, hilean 1.080 euro, alegia.
Testuinguru horretan, Eusko Jaurlaritzaren eta EH Bilduren arteko negoziazioa hizpide izan dute plataformako ordezkariek. Pentsio baxuenen osagarriak areagotzeko proposamena “pauso bat”, baina oraindik “nahikoa ez” dela esan dute, helburuetatik urrun dagoelako. Horregatik, Gipuzkoako adinekoek borrokan jarraituko dutela ziurtatu dute.
Bozeramaileen ahotan, pentsioak 1.080 euroraino osatzeko “diru nahikoa” dago. Gainera, Eusko Jaurlaritzaren eskaintza “argitu” beharra dagoela uste dute pentsiodunen ordezkariek; izan ere, diru-sarrerak bermatzeko errenta familiei eta elkarrekin bizi diren pertsonei ematen zaie, pentsioak pertsona indibidualek jasotzen dituzten bitartean.
Horregatik, pentsioak osatzeko diru-laguntzen irizpidearen arabera, “kopuruak oso desberdinak dira”, azaldu dutenez.
EAJk eta PPk pentsioak KPIren arabera igotzeko adostutako akordioa “pauso bat” izan zela adierazi zuten pentsiodunen ordezkariek, baina ez dute “ametsetan egingo” neurria Estatuko Aldizkari Ofizialean ikusi arte.
Bestalde, BPGren portzentaje handiago bat pentsioetara bideratzea eskatu dute erretirodunek; izan ere, Espainia lau puntu azpitik dago Europako beste herrialde batzuekin alderatuta. Era berean, jasangarritasun faktorea desagertzea aldarrikatu dute, “etorkizuneko erretirodunak pentsioen murrizketa basati batera zigortuko dituelako”.
Aldarrikapenak aurrera eramateko “dirua soberan” dagoela errepikatu dute bozeramaileek; are gehiago, foru ogasunen diru-bilketak % 8 inguru gora egin duenean, baina arazoa “gizartearen aberastasuna nola banatzean datza”.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.