Jaurlaritzak 2019an pentsioei bideratutakoa 'barregarria' dela uste dute pentsiodunek
Bizkaiko Pentsiodunen Mugimenduak "erabat barregarritzat eta ulergaitzat" jo du Eusko Jaurlaritzak erretiro-pentsioei 2019an bideratutako aurrekontuen zatia. Urkulluren Gobernuak gizarte gaietara bideratuko dituen 48 milioi eurotik 12 milioi erretiro-pentsioak hobetzera bideratuko ditu, diru-sarrerak bermatzeko errenta jasotzen duten pentsiodunen artean.
Astelehenero Bizkaiko pentsiodunek Bilboko udaletxearen aurrean egiten duten elkarretaratzearen ostean, Jon Fano mugimenduko kideak "pentsiodunen beharrei aurre egiteko borondate falta" egotzi dio Jaurlaritzari; eta, "borondaterik ez badute, ez digute ezer gehiago eskainiko", azaldu du.
Erretiro-pentsioei bideratutako aurrekontuen zatia "ulertezina" dela esan du Fanok; batez ere, aurtengo zerga-bilketa EAEn "aurreikusitakoa baino askoz handiagoa izan da. Gainera, Jaurlaritzak 2018an baino 700 milioi euro gehiago dituela kritikatu du, eta hortaz, pentsiodunek aldarrikatzen duten 1.080 euroko erretiro-pentsioak ezartzeko aukera badagoela azpimarratu du.
Fanoren hitzetan, datozen asteak "erabat garrantzitsuak" izango dira pentsiodunen aldarrikapenentzat, Eusko Legebiltzarrean agerraldia egiteko eskaera erregistratu baitute, bertan azaldu nahi baitituzte zeintzuk diren beren aldarrikapenak.
Bestalde, datorren azaroaren 29an, Gasteizen bilduko dira Arabako, Gipuzkoako eta Nafarroako plataformekin Magdalena Valerio Lan ministroari bilera eskaera formala egiteko.
Juan Mari Aburto Bilboko alkateari ere eskaria egin diote gaurkoan. Laster pentsiodunen elkarretaratzeek urtebete beteko dituztenez, urtarrilaren 15ean, hain zuzen, alkateari pentsiodunekin "keinu sinbolikoren" bat izatea eskatu diote, esaterako, udaletxean pentsiodunen aldeko pankartaren bat jartzea, "guztion alkatea dela erakusteko, baita pentsiodunena ere".
Abenduaren 15ean manifestazioa egingo dute EAEko hiru hiriburuetan, baita Iruñean ere.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.