Ontziolaren jabetzaren % 40 eskuratzea proposatu dute La Navaleko langileek
La Naval ontziolaren enpresa batzordeko idazkari Juanjo Llordenek iragarri du, beharginek jasoko dituzten kalte-ordainekin, enpresaren % 40 eskuratu lezaketela. Horretarako, baina, gainerako % 60 erakundeek erosi beharko lukete.
Horixe da, hain zuzen, Legebiltzarrean emandako prentsaurrekoan Llordenek adierazi duena, atzo Madrilen Eusko Jaurlaritzarekin eta Espainiako Gobernuarekin izandako bileren harira. "Ez zuten inolako irtenbiderik eman", salatu du.
"Triste, burumakur eta lotsatuta atera ginen atzoko bileratik, ezer egin ez dutelako", esan du atsekabetuta Llordenek bi gobernuei buruz mintzatuta.
Hitzorduan, azaldu du, enpresa batzordeak hainbat neurri proposatu zituen La Navalen itxiera saihesteko, besteak beste, Espainiako Gobernuak 'Vox Alex'a ontziaren eraikuntza Sestaon bukatzeko ahaleginak egitea edo, bestela, Navantiatik edo Frantziako ontzioletatik lan karga ematea.
Proposatutako beste aukeretako bat zen La Navalen likidazio fasea hastean, inbertsore pribatu batek lagunduta, erakundeek ontziola erostea.
Alabaina, egindako hiru proposamenen aurrean ez zutela konponbiderik eman kritikatu du.
Gauzak horrela, batzordeko ordezkariak iragarri du "inbertitzaile" berriak izan litezkeela, jasoko dituzten kalte-ordainak horretan inbertituz gero. Guztira, lauzpabost milioi jarriko lituzkete, alegia, jabetzaren % 40.
Gainerako guztia Eusko Jaurlaritzaren eta erakundeen esku geratuko litzateke. "Erantzun baten zain gaude", bukatu du.
Zure interesekoa izan daiteke
Tubos Reunidosen greba gaur gauean hasiko da Amurrion, erregulazio txostenaren zain
Astelehen honetan bilduko da zuzendaritza bi lantegietako ordezkaritza sindikalarekin, eta enplegu-erregulazioko txostenaren berri emango dio.
Makinistek greba abiatuko dute, tren zerbitzuaren krisiaren ostean
Sindikatu nagusiek (CCOO, UGT eta Semaf) otsailaren 9ko, 10eko eta 11ko greba deialdiari eustea erabaki dute, Oscar Puente Garraio ministroarekin akordiorik lortu ez dutela ikusita.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.