Inoizko diru-bilketa handiena Espainiako Gobernuak aurkeztutako 2019ko Aurrekontuetan
2019ko Estatuaren Aurrekontu Orokorren Legea Gorteetara bidaltzea onartu du Espainiako Gobernuak. 227.356 milioi euro biltzea aurreikusten du proiektuak, 2018an baino % 9,5 gehiago, hazkunde ekonomikoari eta Aurrekontuetan sartutako neurri fiskalei esker.
Gobernuak 153.864 milioi euro zuzenduko dizkie pentsioei. Hori % 6,2ko igoera da 2018ko aurrekontuekin alderatuta, "historiako handiena" Maria Jesus Montero Ogasun ministroak nabarmendu duenez.
Gizarte Segurantzak, iragarritako maileguaz gain, Estatuaren beste transferentzia bat jasoko du, 850 milioi eurokoa.
Transferentzia hori posible egiteko, beste diru-sailak "estutzea" beharrezkoa izan da. Ministroaren arabera, Gobernu sozialistak proposatutako bidearekin Gizarte Segurantzak irabaziko lituzkeen bi hamarrenen aldea galdu egingo du, defizit helburua ez lasaitzeagatik.
Etorkizunera begira, Monterok azpimarratu duenez, gaur egun sistemak pagatzen dituen eta ordaindutakoaren araberakoak ez diren prestazio batzuen kostua Estatuak bere gain hartzea dakarten Gizarte Segurantzaren kontuak hobetzeko egiten ari dira proposamen asko.
2019ko pentsioen gastua igotzearen faktoreen artean daude pentsioak orokorrean % 1,6 igo direla, eta pentsio minimoak eta ordaindutakoaren araberakoak ez direnak % 3a.
Atea zabalik utzi dute Puigdemont eta Torrak
Carles Puigdemont Generalitateko presidente ohiak eta Quim Torra egungo presidenteak ateak irekita utzi dizkiote Aurrekontuak Kongresuan tramitatzeari.
"Madrilgo parlamentarien esku egongo da tramitatzea ahalbidetzea ala ez", esan du Puigdemontek, Brusela inguruko Waterlooko etxebizitzan Torrarekin bildu ostean.
Presidente ohiak azpimarratu duenez, “Kataluniako Gobernuak eta Parlamenteko taldeek ez dute erabakitzeko ahalmenik” Estatuko aurrekontuen inguruan.
EAJ: Kataluniarrek "Sanchezen" eta "Casado, Abascal eta Riveraren" artean aukeratu behar dute
Bizkaiko EAJko presidente Itxaso Atutxaren arabera, Kataluniako alderdiek "Sanchez eta hau babestu zutenen" eta "Casado, Abascal eta Riveraren" artean hautatu behar dute.
Jeltzaleen jarrerari dagokionez, lehendabizi Aurrekontuak "ikusi egin behar" dituztela esan du Atutxak. BBBren presidenteak esan duenez, Aurrekontuak onartzeak alderdi talde batek babestu zuen "Gobernu baten egonkortasuna" ekartzea gustatuko litzaioke. Sanchezen Gobernua "etorkizunera begira babestu zuen" EAJk.
EH Bildu: Sanchezek "babesak landu" beharko ditu
EH Bilduko diputatua den Marian Beitialarrangoitia Aurrekontuen inguruan "hitz egiteko" prest agertu da, baina PSOEren Gobernuari ezin dituela “txeke zuriak eskatu” ohartarazi dio.
EH Bilduk "Espainiako Gobernutik eskuina ateratzen lagundu" zuela gogorarazi du Beitialarrangoitiak, eta hori "higiene demokratikoagatik eta beste ordainik gabe" egin zuela. Bere iritziz, "erantzukizunez jardun behar zen".
Diputatu abertzaleak esan duenez, astelehenetik aurrera "zehatz-mehatz" aztertuko dute dokumentua, "Estatuaren egoera politikoarekin" egiten duten bezala.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.