Hego Euskal Herrian 7.800 langabe gutxiago zenbatu zituzten 2018an
Langabeziak behera egin zuen iaz Hego Euskal Herrian. Hala jasotzen du gaur Espainiako Estatistika Institutuak (INE) argitaratutako Biztanleria Aktiboaren Inkestak (EPA, gaztelerazko sigletan). Zehazki, 7.800 langabe gutxiago zenbatu zituzten: guztira, 130.000 pertsona zeuden lan barik. Hartara, langabezia-tasa % 9,58koa da EAEn, eta % 9,99koa, Nafarroan. Euskal Herrian langabezia-tasa % 9,44an dago, Gaindegiak INEren datuekin egin duen kalkuluaren arabera.
Jaitsiera orokorra gorabehera, Nafarroan igo egin zen langabezia iaz (1.800 langabe gehiago zenbatuta): 2017arekin alderatuta % 5,9ko igoera, eta % 4,37koa, aurreko hiruhilekoarekin alderatuta. EAEn, berriz, % 8,91 jaitsi zen langabezia, betiere aurreko urtearekin konparatuta (9.600 langabe gutxiago). 2017ko hirugarren hiruhilekoarekin alderatuta, % 2,93 egin du behera.
Lurraldeka, Arabak du langabezia-tasa txikiena (7,39 %), segidan Gipuzkoa ageri da (% 7,56), ondoren Nafarroa (% 9,99), eta Bizkaia azkenik (% 11,47). Jarduera-tasari dagokionez, Nafarroan dugu tasa handiena (% 59,33 %), eta hurrenkeran datoz Araba (% 58,73), Bizkaia (% 56,22) eta Gipuzkoa (% 55,73).
Okupazioak, gora
Enpleguari dagokionez, okupazioak gora egin zuen 2018an: 19.400 landun gehiago zenbatu zituzten Hego Euskal Herrian (guztira, 1.215.400 langile). EAEn 14.800 okupatu gehiago erregistratu zituzten (% 1,61eko igoera eta % 56,36ko jarduera-tasa). Nafarroan 4.600 landun berri zenbatu zituzten (% 1,66ko hazkundea).
Espainiako Estatuan ere hazi egin zen okupazioa (566.200 landun gehiago) eta 2006tik erdiesten ez zen marka batera heldu ziren: 19,56 milioi landun. Bestalde, 462.400 langabe gehiago zenbatu dituzte (% 14,45eko tasa); igoera gorabehera, 2008tik lortutako zifrarik onena izan zen honakoa.
Bestalde, Miguel Laparra Nafarroako Gobernuko Eskubide Sozialen presidenteordeak enplegu-tasaren "gutxiespenari" egotzi dio langabeziak Nafarroan gora egin izanak.
Zure interesekoa izan daiteke
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.