EAEko BPGa % 2,8 hazi zen 2018an, eta enplegua % 2,1
Euskal Autonomia Erkidegoko Barne Produktu Gordina % 2,8 hazi zen 2018an, aurreko urtean baino hamarren bat gutxiago. Horrenbestez, ekitaldi horretarako Eusko Jaurlaritzaren Ogasun eta Ekonomia Sailak egindako azken aurreikuspena bete da.
Enpleguari dagokionez, 19.000 lanpostu berri sortu zituzten, 2017an baino % 2,1 gehiago, Eustat Euskal Estatistika Agentziak, laugarren hiruhilekoko datuak kontuan izanda, emandako informazioaren arabera.
Hain zuzen ere, hiruhileko horretan % 2,4koa izan zen BGParen hazkundea. Hirugarren hiruhilekoan baino bi hamarren gutxiago hazi zen, beraz, Barne Produktu Gordina.
Enplegua
Lanaldi osoko lanpostuei erreparatuta, % 2,1 igo zen enplegu tasa 2018an. Horrek esan nahi du 19.000 lanpostu berri sortu zituztela.
Bereziki, eraikuntzaren sektoreak eta lehen sektoreak izandako gorakadei esker hazi da hainbeste enplegua. Zerbitzuen sektoreak ere gora egin du, baina modu apalagoan.
Aitzitik, aurreko hiruhilekoetako joerari eutsi dio industriak, alegia, dezelerazioa areagotu da sektore horretan, Eustaten datuek erakusten dutenez.
Aurreko urteko hiruhilekoarekin alderatuta, enplegua % 1,9 hazi da.
Azpiazuren ustez, 'brexit'ak eta Txinako eta Europako geldotzeek eragina izango dute euskal ekonomian
Pedro Azpiazu Ogasun sailburuak ohartarazi duenez, euskal ekonomiaren hazkundea gorabehera, "ziur asko" nazioarteko egoerak "ziurgabetasuna eta arriskua" ekar lezake Euskadira. Horregatik, Eusko Jaurlaritzak onartu du "ezin dela baztertu" hazkundea aurreikusitakoa baino baxuagoa izatea. Gaur-gaurkoz Barne Produktu Gordina % 2,3 haziko dela aurreikusi dute.
Gainera, "industriak izandako galerak" izan ditu hizpide. Azpiazuren hitzetan, "hozte" horren arrazoi nagusienetakoa da automobilgintza "pixkanaka" ari dela emisio kutsakorren araudi berrira egokitzen. Ildo horretan, gogora ekarri du araudi horrek euskal enpresa handietan izango duela eragina.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.