Darponen dimisioa edo kargugabetzea eskatu dute oposizioko alderdiek
Jon Darpon Osasun sailburuaren dimisioa edo kargugabetzea eskatu dizkiote Iñigo Urkullu lehendakariari EH Bilduk, Elkarrekin Podemosek eta Alderdi Popularrak, Radio Euskadin goizean egin duten tertulian.
Osakidetzako lan eskaintza publikoan egindako ustezko iruzurra izan dute hizpide legebiltzarkideek. Elkarrekin Podemosen eta EH Bilduren ekimenez, Darpon gaitzesteko proposamena eztabaidatuko da Legebiltzarrean martxoaren 21ean, eta horrek aurrera egiteko, ezinbestekoa da popularren aldeko botoa. Anton Damborenea PPko ordezkariak baina, ez du argitu bere taldeak hartuko duen jarrera.
Legebiltzarkide popularrarentzat, Darponen egoera "eutsiezina" da. Horren hitzetan, agerikoa da "euskal politikagintzaren erredura handiko unitatean" dagoela Osasun sailburua. "Urkulluren esku dago Darponek karguan jarraitzea edo ez", adierazi du.
Julen Bollain Elkarrekin Podemoseko legebiltzarkideak, berriz, Darponen dimisioarekin batera Legebiltzarrean ikerketa batzordea berehala abian jartzeko eskatu du, Osakidetzako lan eskaintzan egon den "ustelkeria" berriro errepika ez dakin.
Ildo beretik mintzatu da Iker Casanova EH Bilduko legebiltzarkidea ere. Darpon kargutik kentzea eta ikerketa batzordea abian jartzea ezinbestekoak direla esan du, "gertatu dena argitzeko". "Guk uste dugu Osakidetzaren lan eskaintzen prozedura osoa berraztertu behar dela. Sakoneko arazoek sakoneko neurri zuzentzaileak izan behar dituzte", gehitu du.
Joseba Egibar jeltzaleak, aldiz, defendatu egin du Darponen lana, eta karguan jarraitu beharko lukeela berretsi du. Oposizioaren jarrera kritikatu du, "behar politikoak" bultzatuta ari direlako Darponen aurkako neurriak eskatzen. "Epaitegiak kasua ikertzen ari badira, zertarako behar da ikerketa batzordea Legebiltzarrean?", galdetu du.
"Darponek orain egin behar duena zera da: hasitako lana bukatu eta irregulartasunak aurkitzen baditu, horiek argitzen lagundu. Garbi dago gai honen ardura nagusia berea dela, baina horrek ez du esan nahi erruduna denik", esan du Egibarrek.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.