EBko Auzitegiak Athleticen eta Osasunaren zerga-araubidea babestu du
Europar Batasuneko Auzitegi Orokorrak Athleticen eta Osasunaren zein Bartzelonaren eta Real Madrilen zerga-araubidea babestu eta kirol sozietate anonimotzat jo ditu elkarteok. Europako Batzordeak futbol talde horiek zigortzeko erabakia ezarri zuen, legez kanpoko estatu-laguntzak jaso izan zituztela uste baitu.
Auzitegiaren arabera, "Zuzenbideari dagokionez, Europako Batzordeak ez du behar bezala frogatu eztabaida sortzen duen neurriak onuradunei abantailak eman dizkiotenik".
Espainiako kirol elkarte profesionalak, kudeaketaren gardentasuna sustatzeko asmoz, sozietate anonimo bihurtu behar izan ziren 1990. urtean, Espainiako araudia betetzeko.
Aurreko urtaldi ekonomikoetan emaitza onak izan zituzten taldeentzat, berriz, salbuespena ezarri zen eta kirol elkarte gisa jarraitzeko aukera eman zitzaien. Aukera horri heldu ziotenen artean, Athletic, Osasuna, Bartzelona eta Real Madril taldeak izan ziren.
Irabazteko asmorik gabeko pertsona juridiko gisa, beraien etekinen gaineko berariazko zerga-tasa izan zuten lau talde horiek; gainera, 2016ra arte karga-tasa hori kirol sozietate anonimoei ezarritakoa baino txikiagoa izan zen.
2016an, aldiz, elkarte profesional horiei Espainiak zerga abantaila moduan eta barne merkatuarekin bateragarriak ez ziren legez kanpoko laguntzak eman zizkiela esan zuen Europako Batzordeak.
Orduan, Europako Batzordeak araubide hori bertan behera uzteko agindu zion Espainiari. Halaber, "berehala eta modu eraginkorrean emandako laguntza horiek itzultzeko eskatu zien elkarteei".
Elkarteok erabakia errekurritu zuten, eta, orain, Luxenburgoko epaitegiak arrazoia eman die, Europako Batzordeak ez baitzituen legez kanpoko laguntza horiek behar bezala egiaztatu.
Hemendik aurrera, bi hilabete izango dituzte alde biek Europar Batasuneko Justizia Auzitegian errekurtsoa aurkezteko.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.