Euskaltelek 62,8 milioi euro irabazi ditu 2018an, aurreko urtean baino % 26,6 gehiago
Euskaltelek 62,8 milioi euro irabazi ditu 2018an, aurreko urtean baino % 26,6 gehiago, 2017an 49,6 milioi euro lortu baitzituen, telekomunikazioen konpainiak Balore Merkatuaren Batzorde Nazionalari jakinarazi dionez.
Enpresaren salmentak % 10,7 hazi dira, 674 milioi euroraino; ustiapeneko emaitza, berriz, 129,8 milioi eurokoa izan da, % 12,6 gehiago, hain zuzen.
Euskaltelen esanetan, hainbat produktu eta zerbitzu pakete bakarrean eskaintzeari esker lortu dituzte emaitza horiek. Baita, balio erantsi handiko produktuen eskaintza bateratuari esker ere. Konpainiak azpimarratu duenez, bezeroek bataz beste 3,6 produktu kontratatu zituzten 2018an, 2017an lortutako 3,5ekin alderatuta.
Horrenbestez, 64.000 produktu gehiago kontratatu zituzten etxe-segmentuan; guztira, 2,4 milioi produktu inguru kontratu zituzten etxeetako erabiltzaileek.
Enpresa munduan, berriz, enpresa txiki eta ertainek zein enpresa handiek eragindako hazkundea % 3,5koa izan da. Konpainiak jakitera eman duenez, joera aldaketa eman eta laugarren hiruhilekoan garapen positiboa gertatu da.
Telefonia mugikorraren alorrean, 43.300 linea berri lortu zituen Euskaltelek; 958.000 linea zituen ekitaldi ekonomikoa ixtean. Telebista zerbitzuak, berriz, 23.000 bezero irabazi ditu, 417.000 erabiltzaileraino. 8.500 banda zabaleko produktu gehiago saldu dituzte, eta 497.000 gainditu dituzte.
Bestalde, taldeak 2019an egingo duen zabalkunde geografikoan lanean ari da Euskaltel: Nafarroa, Kantabria, Leon, Errioxa eta Kataluniako merkatuetan arituko da
Zure interesekoa izan daiteke
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.