EHAAk Gasteiz bizitegi-merkatu tentsionatuko eremu izendatzeko prozedura argitaratu du
Orain alegazioak aurkezteko 20 eguneko epea irekiko da. Donostia dagoeneko ofizialki izendatu dute eremu tentsionatu, eta, Bilbori dagokionez, berriz, maiatzaren 30ean argitaratu zen prozeduraren hasiera EHAAn.
Euskal Herriko Agintaritzaren Aldizkariak (EHAA) asteazken honetan argitaratu du Gasteiz bizitegi-merkatu tentsionatu izendatzeko prozedura. Hori eginda, aurrerapauso bat eman da aurrera, baina oraindik urrats administratibo batzuk falta dira Arabako hiriburuko Udalak eskatutako adierazpena behin betiko eskuratu arte.
Pasa den uztailaren 3an Gasteizko Udalak hirigune osoa eta Abetxuku, Aretxabaleta, Armentia, Betoñu, Ehari eta Gardelegiko eremuak gune tentsionatu izendatzeko eskaera onartu zuen. Gune horietan 256.000 pertsona bizi dira, biztanleen % 97,9. Hortik kanpo geratzen dira landa-eremuak; izan ere, gune horietan ez da ohikoa alokairua prezio altuetan jartzea.
Ondorengo urratsak
Orain, Etxebizitza eta Hiri Agenda Sailaren agindua EHAAn argitaratu ondoren, 20 eguneko epea ireki da alegazioak aurkezteko.
Dagozkion izapideak amaitu ondotik, eta prozedurak aurrera jarraitzen badu, Eusko Jaurlaritzak Gasteiz behin betiko izendatuko du eremu-tentsionatu, eta espedientea Etxebizitza Ministerioari helaraziko zaio. Ministerioak bere gain hartuko du prozesuaren azken fase administratiboa, eta Estatuko Aldizkari Ofizialean argitaratu beharko du.
Zona tentsionatu izendatzeko, Legeak etxebizitzarako eskubideari buruz ezartzen dituen bi irizpideetako bat bete behar da, gutxienez. Lehena da hipotekaren edo alokairuaren kostuaren batez besteko karga, oinarrizko gastu eta hornidurak gehituta, batez besteko diru-sarreren % 30 baino handiagoa izatea.
Bigarrena, eremu horretako etxebizitzen prezioak aurreko bost urteetan erkidego horretan erregistratutako KPIaren alderatuta % 3 hazi izana da.
Euskal hiriburuei dagokienez, Donostia dagoeneko ofizialki izendatu dute eremu tentsionatu, uztailaren 29an, Estatuko Aldizkari Ofizialean argitaratu ondotik; Bilbon, berriz, maiatzaren 30ean argitaratu zen prozeduraren hasiera EHAAn.
Zure interesekoa izan daiteke
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratu horretan lan egiteko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.