Itunpeko ikastetxeetan deitutako grebak, bere horretan, negoziazioak kale egin ostean
Euskal Autonomia Erkidegoko (EAE) gizarte ekimeneko itunpeko hezkuntzako sindikatuek —ELA, Steilas, LAB, CC.OO. eta UGT— datorren asterako egin duten lau eguneko greba deialdiari (apirilak 1, 2, 3 eta 4) eutsi diote, negoziazioak kale egin ostean.
Aurrez, ikasturtea hasi zenetik, beste 18 greba egun egin dituzte langileek. Guztira, 250 ikastetxetako 9.000 behargin inguru dira, eta 100.000 ikasleri eragiten dio gatazkak. Maiatzean beste bi greba egun dituzte iragarrita.
Sindikatuek eta Kristau Eskolak (nagusi den patronala) astelehenean egin zuten hitzarmena negoziatzeko mahaiaren bilera, eta akordiorik gabe bukatu zen. Sindikatuak "etsita" atera ziren hitzordutik, eta salatu zuten patronalak aurreko proposamenetatik egindako "hobekuntza bakarra" soldatei dagokiena izan zela. Euren ustez, "horrek erakusten du badutela gaitasun ekonomikoa gure erosmen ahalmena berreskuratzeko soldata igoera bat eskaintzeko".
Kritikatu zutenez, Kristau Eskola "hainbat gairekin tematuta" dago, esaterako, soldata igoera Eusko Jaurlaritzaren finantzazioari lotzen jarraitzen du.
Kristau Eskola patronalak, bere aldetik, ohartarazi zuen bere proposamena hobetzea ez dela bideragarria eta "azkeneko eskaintza" dela.
Bien bitartean, bi aldeei "jarrera maximalistak" baztertzea eskatu zien Josu Erkoreka Eusko Jaurlaritzako bozeramaileak. Horren iritzian, "ez da onargarria halako gatazka bati eustea, denboran hainbeste irauten duten ondorio larriak kontuan hartuta".
Zure interesekoa izan daiteke
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.