Itunpeko hezkuntzaren gatazkan 'muturreko jarrerak baztertzea' eskatu du Uriartek
Itunpeko hezkuntzaren sektoreko gatazkan “bukletik” ateratzeko “muturreko jarrerak baztertzea” eskatu du Cristina Uriarte Hezkuntza sailburuak. Akordioa erdiestea patronalen eta sindikatuen “ ardura” da, erantsi duenez.
Era berean, Saila “beste alde batera begiratzen” ari ez dela azpimarratu du Hezkuntza sailburuak. Jaiotza-tasaren beherakadak kaltetuko lanpostuak mantentzeko, formula ezberdinen bidez “laguntzeko” prest agertu da.
Sailburuak prentsaurrekoa eman du Gasteizen, Olatz Garamendi Administrazio eta Zerbitzu Publiko sailburuordearekin batera. Uriarteren hitzetan, Saila itunpeko hezkuntzaren sektoreak bizi duen “lan gatazkaren ondorioekin kezkaturik” dago azken hilabeteetan. Gainera, apirilaren 1, 2, 3 eta 4erako eta maiatzaren 8 eta 9rako greba deitu dute sindikatuek.
“Milaka ikasleri eta familiari kalte” egiten ari zaiela nabarmendu du Uriartek. Sailburuaren ahotan, egoera “konplexua” da, ikasleek “kalitatezko hezkuntza jasotzeko” eskubidea dutelako, baita langileek greba egiteko eskubidea ere.ç
Horregatik, “guztiek erantzukizunarekin jokatu behar dugu, batez ere patronalek eta sindikatuek, lan gatazkako aldeak diren heinean”.
Ikasleei egiten ari zaien “kalte objektiboa” kontutan hartuta eta “muturreko jarrerak baztertuta irtenbide baten alde” lanean jarraitzeko eskatu die sailburuak “gatazkako alde guztiei”; izan ere, “bukletik ateratzea nahitaezkoa da”.
“Bakoitzak bere ikuspuntua defendatzea zilegi da”, baina “alde bakoitzak bere interesak malgutzea eta oinarrizko interesari lehentasuna ematea, zalantza barik, ikasleak aurretik jartzea”, aldarrikatu du Uriartek agerraldian.
Sailburuaren esanetan, “ez gaude arazo konponezin baten aurrean” eta “jarrerak ez daude elkarrengandik hain urrun”.
.
Albiste gehiago ekonomia
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.