Euskal sektore eolikoaren 15.000 lanpostuetatik 3.000 soilik daude Euskadin kokatuta
Euskadik energia eolikoaren alorrean duen indarraren eta sektore horretako enpresen artean daukan izaera aurreratuaren erakustoki bihurtuko da BEC gaurtik aurrera, WindEurope 2019 dela eta.
Guztira, 100 enpresatik gora ditu Euskadin sektore eolikoak, eta 15.000 lanpostu sortu ditu orain arte. Halere, 3.000 lanpostu soilik daude Euskadin kokatuta.
Beraz, hazkunde etengabea duen arren, bi erronka ditu bete gabe: parke eoliko gehiago eraikitzea eta, energia hobeto aprobetxatu ahal izateko, teknologia hobetzea.
Euskadik duen gaitasun industriala goratu du Tapiak
Arantxa Tapia Azpiegitura eta Garapen Ekonomikorako sailburuak nabarmendu du Euskadik gaitasun industrial paregabea duela, energia eolikoaren alorrean. Nolanahi dela, ohartarazi du energia berriztagarri gehiago behar direla. Ildo horretan, "parke eolikoak eraikitzeko industria garatua izatea, baina horien kokapena erabakitzeko gai ez izatea" kontraesankorra dela adierazi du.
Sailburuak emandako datuetan oinarrituta, sektore eolikoak 15.000 lanpostu sortu ditu. Horietatik 3.000 Euskadin daude kokatuta; gainerakoak, mundu osoan zehar banatuta. "Urtean 7.000 milioi euroko fakturazioa dakar", azpimarratu du.
Energia eolikoaren aldeko apustua "partekatua" da, Urkulluren esanetan
Iñigo Urkullu lehendakariak ziurtatu du energia eolikoaren aldeko apustua "partekatua dela" Euskadin, horren garapenak ekonomiari ez ezik, ingurumenari ere mesede egiten diolako.
Horrekin lotuta, lehendakariak gogora ekarri du Euskadin balio-katea goitik behera betetzen duten 100 enpresa daudela, alegia, horiek guztiek ekoitzi, diseinatu, fabrikatu, instalatu, jardun eta mantendu egiten dutela. Gainera, azaldu du fakturatutako 7.000 milioi euro horietatik 1.000 milioi ikerketara eta garapenera bideratzen dituztela.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.