Lopez Atxurra (Petronor): 'Energia nuklearrak ez du azken hitza esan'
Emiliano Lopez Atxurra Petronorreko presidentearen iritziz, energia nuklearrak "ez du azken hitza esan". Hala ere, horren esanetan, horrekin ez du esan nahi berriro ere zentral nuklearrak eraiki behar direnik.
"Nik pertsonalki ikusten dut energia nuklearrak oraindik azken hitza ez duela esan", adierazi du ETB1eko "Egun on Euskadi" saioan egin dioten elkarrizketan.
Muskizko findegiko presidentearen esanetan, gaur egun zer teknologia gaitasun dagoen ikusi behar da, munduan eta unibertsoan dagoen aberastasun energetikoa elektrizitate edo energia bihurtzeko.
Lopez Atxurraren hitzetan, Europako Batzordea deskarbonizazio politika praktikan jartzen ari den bitartean, Hungariak eta Finlandiak politika nuklear sendoa gauzatzen ari dira eta errusiarrak zentral nuklearretan inbertitzen ari dira. Gaineratu duenez, Txinak eta Indiak energia nuklearra gauzatzeko programak dituzte. Lopez Atxurraren arabera, Europa hegoaldean salbu (Frantzia da salbuespena), energia nuklearra garatzen ari dira. Askotan, erabiltzen den teknologia kaskarra dela adierazi du, eta ez dakiela teknologia nuklearraren garapena noraino hel daitekeen.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea