Osakidetzako Lehen Arretako langileek egungo eredua eskasa dela salatu dute
Greba eguna izan dute ostiral honetan Osakidetzako Lehen Mailako Arreta zerbitzuan, besteak beste, prekarietatea salatu eta hobekuntzak eskatzeko. Guztira, 5.000 langile zeuden greba egitera deituta. Greba deialdiak eragin nabarmena izan du osasun zentroetako eguneroko martxan. Gaurkoa bigarren greba eguna da; izan ere, apirilaren 12an egin zuten lehendabiziko lanuztea. Lehen Mailako Arretako egungo eredua “guztiz eskasa” dela salatu dute sindikatuek.
Asteartean Eusko Jaurlaritzak Familia Medikuntzako eta Erizaintzako 46 plaza sortzea onetsi bazuen ere, Satse, ELA, LAB, CCOO, UGT eta ESK sindikatuek eta Lehen Arretako Arnasberritzen plataformak grebari eustea erabaki dute.
EAEko Medikuen sindikatuak ere bat egin du mobilizazioekin.
Deitzaileen esanetan, Lehen Arreta zerbitzua egoera larrian dago, eta bertan lan egiten duten profesionalek lan-karga jasanezinak pairatzen dituzte eta eurenak ez diren funtzioak betetzen dituzte. Horrez gain, gaixoek gero eta denbora gehiago itxaron behar izaten dutela salatu dute.
Sindikatuen aldarrikapen nagusia lantaldea handitzea da, langileek pazienteekin egoteko denbora gehiago izan dezaten. Gainera, mediku bakoitzeko erizain bat egotea eta baja guztiak ordezkatzea aldarrikatzen dute.
Grebaren jarraipena % 65ekoa izan dela azaldu du ELA sindikatuak. Sektoreko mila bat profesional baino gehiagok protesta egin dute Donostian, langileen "egoera larriarentzako erantzunak" eskatzeko.
Greba "masiboa" izan dela ziurtatu du ELAk agiri batean. "Zentro askotan % 100ek greba egin dute, medikuek, pediatrek eta administrari laguntzaileek bereziki", zehaztu duenez. Guztira, jarraipena % 65ekoa izan da.
Osakidetzak, ostera, grebaren jarraipena % 35ekoa izan dela esan du. Lurraldeka, Bizkaian % 37, Araban % 36 eta Gipuzkoan % 31koa izan dela azaldu du. Kategoria profesionalen arabera, medikuen % 56k greba egin dute, erizainen % 19k eta gainerakoen % 27k.
Juan Luis Diego Osakidetzako zuzendari nagusiak agerraldia egin du komunikabideen aurrean. Apirilaren 12an, aurreneko greba egunak izandako jarraipenaren "antzekoa" izan du gaurkoak.
Eragozpenengatik barkamena eskatu die Juan Luis Diegok erabiltzaileei, eta beharginen greba eskubidearenganako "errespetua" agertu du, baina Osasun Sailaren "elkarrizketarako" apustuari "erantzun egokia ez" dela erantsi du.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.