Jaurlaritza BPGaren % 2,2ko hazkundea aurreikusita ari da Aurrekontuak prestatzen
Barne Produktu Gordina (BPG) % 2,2 haztea aurreikusi du Eusko Jaurlaritzak, eta hazkunde horretan oinarrituta ari da 2020ko Aurrekontuen lege proiektua prestatzen. Gainera, politika publikoetan genero ikuspegia indartuko du, berdintasunaren alde aurrerapausoak emateko eta emakumeen eta gizonen arteko soldata arrakala murrizteko.
Pedro Azpiazu Ogasun eta Ekonomia sailburuak prentsaurreko batean aurreratu ditu Gobernu Batzordean astearte honetan onartutako ildo garrantzitsuenak. Horiek guztiak datorren urteko Aurrekontuen lege proiektuaren oinarri izango dira.
Martxoaren amaieran Jaurlaritzak hamarren bat jaitsi zuen BPGaren hazkunde aurreikuspena; % 2,2raino, hain zuzen ere. Enpleguaren sorrera, aldiz, % 1,5 igoko zela aurreikusi zuen. 2020rako, baina, Barne Produktu Gordina % 2 igotzea espero dute, eta enplegua % 1,3.
Horrek esan nahi du bai BPGak eta baita enpleguak ere 2018an baino hazkunde txikiagoa izango dutela.
Langabezia-tasari dagokionez, % 9,9an kokatuko da urte bukaeran, eta % 9,7an hurrengo ekitaldian. Hortaz, azken kontsumoak % 2,1 egingo du gora 2019an, eta % 1,9 2020an.
Bukatzeko, barne-eskaria ere hazi egingo da (% 2,4 aurten eta % 2,3 datorren urtean).
Horrela, Azpiazuk aurreratu du 2020rako aurreikusitako defizit helburuak beteko dituztela. Zorra, berriz, % 13,8koa izango omen da aurten, eta % 13,2koa 2020an.
Urrian aurkeztuko dute proiektua
Euskadiko Aurrekontuen lege proiektua urrian aurkeztuko dute, eta legealdiko azkena izango da. EAJ-PSE koalizioaren lehenengo bi urteetan kontuak onartzea lortu zuten Legebiltzarrean, PPren abstentzioari esker.
Aurten, aitzitik, Jaurlaritzak ez zuen horretarako babes nahikorik lortu, eta Aurrekontuak atzeratu behar izan zituen.
Horrekin lotuta, Azpiazuk esan du ez dutela "denbora galtzeko" asmorik eta "lehenbailehen" hasiko direla oposizioko alderdiekin biltzen, kontuak onartzeko dauden aukerak aztertzeko.
"Akordiorako prest gaude", berretsi du Ekonomia sailburuak. "Bilera sortan ez diogu inori aterik itxiko", argitu du.
Neurri berriak
Azpiazuren esanetan, enpresetan partaidetza publikoak lehenetsiko dituzte, lehendakariak bart iragarri duenez. Modu horretan, enpresa pribatuek Euskadin errotuta jarraitzea bermatu nahi dute, Urkulluren hitzetan.
Nazioarteko testuinguruari dagokionez, Azpiazuk onartu du muga-zergarekin lotuta AEBk Txinari eta Europako herrialdeei egindako mehatxua oztopo izan daitekeela kanpo merkataritzaren garapenean.
Era berean, brexitarekin lotuta Erresuma Batuan sortu den ika-mikak ere ezegonkortasuna dakarrela aitortu du.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.