Emilio Ybarra BBVAko presidente ohia 82 urte zituela hil da
Emilio Ybarra BBVAko presidente ohia Madrilen hil da asteazken honetan. 82 urte zituen. Buruko isuri bat izan du, bankari ohiaren hurbileko iturriek jakitera eman dutenez. 2001ean konpainiako presidentetza utzi zuen.
BBVA taldearen historiari egindako ekarpen erabakigarria goraipatu du bankuak ohar batean. "Latinoamerikako nazioartekotze prozesu arrakastatsuan erabakigarria" izan zela nabarmendu du.
Carlos Torres Villa BBVAko presidenteak Ybarrari eskerrak eman dizkio agiri batean, bankua zuzendu zuen garaian egindako lan "bikainagatik".
Ybarra 1936ko azaroaren 9an jaio zen, Donostian. Zuzenbidean lizentziatu zen Valladolideko Unibertsitatean, eta Ekonomia Zientziatan Deustuko Unibertsitatean.
Ibilbide profesionalaren zatirik handiena bankuetan eman du. 1976an Bilbao Bankuko kontseilari delegatu izendatu zuten, eta ondoren presidenteorde. Beranduago Bilbao Vizcaya bankura (BBV) heldu zen.
Entitatea Argentariarekin bat egin ondoren, Francisco Gonzalezekin batera konpainia zuzendu zuen. Ondoren Gonzalez presidente bakar bezala geratu zen 2018ra arte.
2001eko abendura arte BBVAren presidentetzan izan zen Ybarra. Orduan kontseilari delegatua izateari utzi zion, BBV eta Argentariaren arteko bat-egite prozesua arrakastarekin bukatu zela iritzita; hala ere, BBV Fundazioko presidentetza mantendu zuen, baita toki bat BBVA Bancomer (Mexiko) filialeko Administrazio Kontseiluan ere.
Kontu sekretuak zerga-paradisuetan
2002ko apirilaren 11n kargu guztiak utzi zituen Ybarrak, Espainiako Bankuak BBVAri espedientea zabaldu ondotik. Ikerketak Alico entitatearen funtsak izan zituen jomuga. Antza denez, paradisu fiskaletako kontu sekretuetan zuten jatorria. Argentariarekin bat egin ondoren, funtsak BBVko kontseilarien soldata galera arintzeko erabili zituzten.
Auzitegi Nazionalak Ybarra zigortu zuen 2005eko azaroaren 25ean. Sei hilabeteko espetxe-zigorra eta 27.000 euroko isuna ezarri zion diruaz bidegabe jabetzeagatik.
Baina ez zuten espetxeratu, zigor arina zelako eta bankariak aurrekaririk ez zuelako. Auzitegi Gorenaren aurrean helegitea aurkeztu zuen Ybarrak. Gorenak 2006ko azaroan absolbitu zuen. Pentsio funtsak osatzeko BBVAko Administrazio Kontseiluaren baimena zuela ebatzi zuen Auzitegiak.
Auzitegi Nazionalak "kontu sekretuen" auzia artxibatzea berretsi zuen 2007ko maiatzaren 11an. Ustelkeriaren aurkako Fiskaltzak bi urte eta erdiko espetxe-zigorra eskatu zuen 2006ko otsailean, agiriak faltsutzea egotzita.
Aldez aurretik, Ybarra BBVArekin lotutako prozesu judizialetan eta Filesa auzian inputatu zuten, baina guztietan absolbitu zuten.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.