Estatuan gobernurik ez egoteak euskal industrian eragiten du, Tapiaren esanetan
Arantxa Tapia Eusko Jaurlaritzako Ekonomiaren Garapen eta Azpiegitura sailburuak salatu duenez, Estatuan gobernurik ez egoteak eragina du bai euskal enpresen lehiakortasunean eta baita azpiegituretan egin beharreko lanetan ere. Gaineratu duenez, lanak "atzeratzen eta geldotzen" ari dira.
San Ignazio bigarrenez Eusko Jaurlaritzak urtero Azpeitira egiten duen bisitaren baitan ekonomia gaiak hizpide izan ditu Tapiak. Haren hitzetan, ekonomia hobera egiten ari da eta enplegua sortzen ari da, baina testuingurua zaila da, bai Europa eta nazioarte mailan eta baita Estatuan ere. Are gehiago, Estatuan gobernurik ez egoteak Euskal Autonomia Erkidegoari ere eragiten diola onartu du.
Era guztietako azpiegiturak bultzatzeko beharra azpimarratu du, tartean, abiadura handiko trena, Forondako eta Hondarribiko aireportuak edota Pasaiako portua.
"Abiadura Handiko Trena Gasteizera eta Bilbora heltzeko behin betiko bultzada eman behar zaio proiektuari. Horiek dira konplexuenak, Donostia gure eskuetan dago eta Eusko Jaurlaritzatik gauzatu behar dugu", gehitu du.
Bestalde, Pasaiako portua Renferekin, abiadura handiko trenarekin eta hegoaldeko tren saihesbidearen bitartez Bilborekin lotzeko premia ere aldarrikatu du.
Tapiaren hitzetan, Forondako eta Hondarribiko aireportuetan aurreikusita dauden inbertsioak "atzeratu" egin dira eta ez dira "modu egokian gauzatzen ari".
Gauzak horrela, bertako erakundeei dei egin die akordio "sendo" bat lortu eta Estatuari azpiegitura horiek garatzea eskatzeko.
Albiste gehiago ekonomia
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".