ELA, LAB eta CCOO ez dira joan Osakidetzaren sektore-mahaiko bilerara
Osakidetzako sektore-mahaiaren bilerara ez joatea erabaki dute gaur ELA, LAB eta CCOO sindikatuek. Urriaren 8ko bileratik altxatzeko emandako argudio berberei heldu diete erabakia hartzeko.
Izan ere, sindikatuon hitzetan, bileron gai-zerrendan jasotako puntuak 2017ko Enplegu Akordioan "negoziatuta, itxita eta sinatuta" zeuden (SME Medikuen Sindikatuak, Satsek eta UGTk izenpetu zituzten) eta batzarra horiek berresteko "betebehar formal" gisa baliatu nahi izan du Osakidetzak.
Hiru sindikatuok ohar bateratu batean kritikatu dutenez, "Osakidetzak edukiz hustu du sektore-mahaia", negoziazio kolektiborako aukera bazter utzita. Hori horrela, iragarri dute ez direla mahaira itzuliko "proposamen itxiak eta beste batzuekin sinatuak eramaten jarraitzen duten bitartean".
Azaldu dutenez, "beste sindikatu batzuen sinadura jarrita daukaten bi dokumentu" helarazi dizkie Osakidetzako zuzendaritzak. "Dokumentu horiek mahai sektorialera eraman aurretik, Satsek jendaurrean adierazi zuen ez zetorrela bat haiekin, eta horregatik ez zituela sinatu nahi. Egoera hain da larria, ezen mahai sektorialean zilegizko ordezkaritza dugun sindikatuok Satseren adierazpen publikoen bidez jakin baitugu akordio horiek sinaturik zeudela", salatu dute.
Egoera horren aurrean, "berdintasunezko eta fede oneko" negoziazioari berriro heltzeko eskatu diote hiru sindikatuek Osakidetzari. Euren ustez, "premiazkoa lan-baldintzak arautzen dituen akordio berri bat (aurrekoa 2009an agortu zen) edo garapen profesionaleko eredu berri bat, besteak beste, jorratzea eta negoziatzea".
Osakidetzak eskua luzatuta daukala azpimarratu du
Bestalde, Juan Luis Diego Osakidetzako zuzendari nagusiak deitoratu egin du ELAk, LABek eta CCOOk gaurko bileran parte hartu ez izana. Erabaki horren atzean "sindikatuen arteko tentsioak" daudela iritzi dio, Lehen Arretari buruzko puntuan desadostasunak dauzkatelako.
UGT, SME eta SATSE sindikatuek hartu dute parte batzarrean. Diegok azpimarratu du Osakidetzak eskua luzatuta segitzen duela, eta sindikatuekin aldebiko bilerak deituko dituela, "egoera bideratzeko asmoz".
"Arazoak konpontzen saiatzeko gaude hemen", nabarmendu du Osakidetzako zuzendari nagusiak.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.