Gizarte Segurantzak kotizazioa murriztu diela salatu dute etxeko langileek
Etxeko langileen kotizazioetan antzemandako "irregulartasunetan" erantzukizuna leporatu diote Bidez Bidek eta SOS Arrazakeriak Gizarte Segurantzaren Diruzaintzari. Dagokienaren azpitik kotizatzen ari dira lanbide arteko gutxieneko soldata igo zenetik, salatu dutenez.
Katia Reimberg Bidez Bideko ordezkariak eta Tatiana Bellorin eta Maling Castillo SOS Arrazakeriako kideek prentsaurrekoa eman dute. Hirurek azaldu dutenez, Gizarte Segurantzak "ez die langileei" lanbide arteko soldataren igoera indarrean sartu zenetik soldaten aldaketak jakinarazi behar dituztela esan, "ezta enplegatzaileei ere". Gainera, Gizarte Segurantzak "berriz aztertzeko ekimenik ez du hartu", erantsi dutenez.
Era berean, langileen lan-bizitzan agertzen diren "lanaldi partzialeko koefizienteak zuzentzea" eskatu dute, kontratuak 40 ordukoak direlako, dedikazio osokoak, alegia.
SOS Arrazakeriak gogorarazi duenez, etxeko langileek sistema berezi bat dute: ez dute langabezia-prestaziorik eta tarteka kotizatzen dute. 2018an eta 2019ko urtarrilaren 1ean berritu ziren tarteak, lanbide arteko soldataren igoerarekin (12.600 euro urtean: 900 euro hilero 14 ordainsaritan edo 1.050 euro 12 hilabetetan).
Bizkaian eta Gipuzkoan 15 kasu antzeman dituzte SOS Arrazakeriak eta Bidez Bidek.
Astean 40 orduko kontratuetan, "dedikazio osoko mugagabeak", lan-bizitzako "partzialtasun koefizienteetan" % 100 baino portzentaje txikiagoa agertzen da etxeko langileen kasuan, orduen zenbaketaren eta erretiroaren kaltetan, salatu dutenez.
Lan-bizitzako inprimakietan agertzen den informazioak "lanaldi osoa islatzeko" beharrezko neurri guztiak hartzea eskatu diote SOS Arrazakeriak eta Bidez Bidek Gizarte Segurantzari, soldatak "zuzen" islatzeko, "pagen hainbanaketa eta soldata gordina barne".
Etxeko langileen "zaurgarritasuna" azpimarratu du Katia Reimbergek; izan ere, emakume etorkinek osatzen dute kolektiboa. Familia askoren zaintza "euren eskuetan" dagoela gogorarazi du.
Aldarrikapenak lortzeko "borrokan jarraituko" dutela ziurtatu du Reimbergek.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.