Eurokoparako 'boluntarioen' lana argitzeko eskatu dio Bilboko Udalak UEFAri
2020ko Eurokopako partida batzuk San Mamesen jokatuko dira, eta partidak antolatzeko, 1.000 bat "boluntario" kontratatzeko asmoa du UEFAk. Hain justu, "boluntairo" figura horren inguruko argibideak eskatu dizkio Bilboko Udalak Europako futbol erakundeari.
Xabier Ochandiano Bilboko Udaleko Garapen Ekonomiko, Merkataritza eta Enplegu zinegotziak adierazi duenez, UEFAri Lan Ikuskaritzan txosten bat aurkezteko galdegin diote "boluntario horien funtzioak lan harreman bidez arautu behar diren zehazte aldera". Udalaren asteko bilkuran eman ditu argibideak Ochandianok. Bilkura horretan PPk mozio bat aurkeztu du Bilboren irudia Espainiako Selekzioaren irudiarekin batera sustatzeko kanpaina bat eskatuz.
Azkenean, ordea, EAJk eta PSE-EEk osatzen duten udal gobernuak adostutako zuzenketa bat onartu du Udalbatzak. Elkarrekin Podemosek eta EH Bilduk kontra bozkatu dute. Onartutako testuan ageri denez, "udal gobernuak 2020ko Eurokoparen baitan Bilbo promozionatzeko ekimenak jarriko ditu martxan, eragin ekonomikoa eta nazioarteko proiekzioa lortzeko helburuarekin".
Garapen Ekonomikoko zinegotziak zehaztu duenez, Bilbok ez du boluntariotza plan bat gauzatuko, eta UEFAren esku geratuko da hori. "Hori bai, kontratazio guztiak lan kontratu bidez egin beharko dira", argitu du Ochandianok.
Halaber, Juan Mari Aburto Bilboko alkateak nabarmendu du "garrantzitsuena" dela "nazioarteko jardunaldi" gisa hartzea. "Espero dezagun dena ondo ateratzea eta Bilboren irudia sendotuta ateratzea", erantsi du.
EH Bildu eta Elkarrekin Podemos, kritiko
PPren proposamenarekin eta udal gobernuak egindako zuzenketarekin oso kritiko azaldu dira EH Bildu eta Elkarrekin Podemos. Jone Goirizelaia koalizio soberanistaren bozeramaileak salatu duenez, "batzuetzat kirol kutsuko ekitaldi soila da, baina guretzat kirol arloko kolonizazio kultural bat da. Sakoneko eztabaida saihestu nahi da, balizko etekin batekin mozorrotuta".
Goirizelaiaren esanetan, "UEFAK 1.000 boluntario kontratatuko ditu partidak antolatzeko, eta salbuespen fiskal ugari eta Bizkaiko Foru Aldundiak emandako 750.000 euro dituen arren, ez die boluntario gazte horiei zentimo bat ere ordainduko. Hori da ekitaldi horrek edukiko duen eragin ekonomikoa?, galdetu du.
Ildo beretik mintzatu da Carmen Muñoz Elkarrekin Podemoseko zinegotzia. Gogorarazi duenez, Udalak bi milioi euro jarriko ditu Eurokoparako. "Kopuru ikaragarria da. Gure taldeak ez du nahi euro bakar bat gehiago bideratzea honetara", erantsi du.
"Identitate gaiaz harago, ez ditugu elitezko kirolaren ekitaldi hauek babesten, arriskua baitago Bilbo hoolinganen arteko —euskaldunak, espainiolak eta beste nazioalitate batzuetakoak— gudu-zelai bihurtzea", arrazoitu du.
Azkenik, oso bestelako iritzia eman du Carlos Carcia PPko zinegotziak. Horren ustez, "Bilbo une historiko batean dago, ahalik eta zuku gehien atera behar diogu. 2020a gogoan hartzeko urte bat izango da, bilbotar guztiek, kirola eta futbola gustuko dutenek eta espainiar guztiek ere gogoan hartuko dutena. Izan ere, espero dut Espainiak txapelketa irabaztea. Gogorarazi behar du Bilbo dela Eurokopa jokatuko den Espainiako hiri bakarra; pribilegiatu batzuk gara".
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.