Bosgarren grebak ere garraio publikoa geldiarazi du Frantzian
Bosgarren greba eguna burutu dute gaur Frantzian, Emmanuel Macron Gobernuko presidenteak iragarritako pentsio-sistemaren erreforma salatzeko. Eta beste egun batez, garraio publikoa gelditzea lortu dute sindikatuek eta langileek.
Abiadura handiko trenen (TGV), ibilbide luzekoen eta Parisko aldirikoen % 20k bakarrik eman dute zerbitzua. Gainera, eskualdeko trenen % 30 soilik izan dira martxan, kasu honetan autobusek tren gehienak ordezkatu badituzte ere, SNFCk azaldu duenez. Horrez gain, Parisko metroaren 16 lineetatik 10 itxita egon dira.
Nazioarteko trenei dagokienez, Frantzia Espainiarekin eta Italiarekin lotzen dituzten zerbitzuak bertan behera geratu dira; Frantzia eta Alemaniaren arteko loturek oso tarteka funtzionatu dute; eta Frantzia eta Suitza lotzen dituzten trenen bosten batek zirkulatu du.
Londresera doazen Eurostar trenen zerbitzua zertxobait hobea izan da, trenen bi herenek zerbitzua eman baitute. Belgikara eta Herbeheretara bidaiariak daramatzaten Thalys trenen hiru bostenak martxan izan dira.
Garraiobide publikoetako greba dela eta, herritarrek ibilgailua hartzea erabaki dute eta horrek sekulako pilaketak eragin ditu Parisen. Guztira, 620 kilometrorainoko ilarak izan dira, azken bost urteotako handienak.
CGT eta FO sindikatuek eta ikasle mugimenduak manifestazio nazionala deitu dute astearte honetarako Parisen, Frantziako Gobernuaren pentsio-sistemaren erreforma bertan behera uztea eskatzeko. Hain justu ere, Edouard Philippe lehen ministroak asteazkenean aurkeztuko ditu egitasmo horren xehetasunak.
Orain arte zabaldutako informazioaren arabera, egun indarrean dauden 42 pentsioak erregimen bakarrean batzea omen da Gobernuaren asmoa, lanbideen arteko berezitasunak kontuan hartzeari utzita.
Gobernua sindikatuekin eta gizarte eragileekin hitz egiteko prest dago eta elkarrizketa horrek 2020ko hasiera arte segituko duela agindu du, hots, proiektua Parlamentura eraman arte.
Alabaina, ematen du Macronen Exekutiboak atzera egiteko asmorik ez duela eta erreforma aplikatzeko epeak negoziatzea soilik onartuko lukeela; izan ere, hauteskunde-kanpainan pentsioen sistema berria ezarriko zuela aginduz iritsi zen presidentetzara Emmanuel Macron.
Albiste gehiago ekonomia
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.
Villavesen grebak aurrera jarraitzen du eta gutxieneko zerbitzuak kolokan egon daitezke
Langile batzordeak salatu duenez, TCC enpresak, Mankomunitateak eta Iruñeko Udalak "abandonatu" egin dituzte.
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.