Bizkaiko Ogasunak zergadun guztiei egingo die PFEZ aitorpena 2021ean
Bizkaiko Foru Ogasunak zergadun guztiei egingo die 2021ean 2020ko ekitaldiari dagokion Pertsona Fisikoen Errentaren gaineko Zergaren (PFEZ) aitorpena.
Hala jakinarazi du Jose Maria Iruarrizaga Ogasun eta Finantza Saileko foru diputatuak, eta azaldu du aurkezpen modalitate bakarra egongo dela, webgune baten eta mugikorreko aplikazio baten bidez; zergadun bakoitzak onartu, osatu edo aldatu ahal izango du proposatzen zaion aitorpen zirriborroa.
2021eko udaberrian Foru Ogasunak zergadun bakoitzaren esku jarriko du bere aitorpenaren zirriborroa. Zirriborro hori behin betiko emaitza izango da Ogasunak zergadunaren datu ekonomiko guztiak dituen kasuetan, eta zergadunak onartu baino ez du egin beharko.
Aitzitik, emaitza behin-behinekoa izango da Ogasunak ez duen daturen bat falta duten aitorpen-zirriborroetarako, hala nola higiezin baten edo akzio batzuen erosketa-prezioa falta denean.
Kasu horretan, zergadun bakoitzak datu hori edo horiek eman behar dituen laukitxoa identifikatuta izango du bere zirriborroan. Behin eskatutako informazio hori emanda, haren adierazpena behin betikoa izatera pasatuko da, eta onartu ahalko da.
Gaur egun, Bizkaiko Ogasunak dagoeneko ematen ditu autolikidazio-proposamenak, Rentaetxean eta Rentaweb zerbitzuen bidez, baina beharrezko datu guztiak dituzten zergadunei bakarrik, eta guztien erdia baino zertxobait gutxiago dira: 2018ko errenta-kanpainan 263.000 izan ziren, guztira aurkeztu ziren 571.000 autolikidazioen % 46.
Proposamen hori jasotzen ez dutenek, batez ere, autolikidazioa laguntza-programaren bidez egitea eta Internet bidez edo Ogasuneko bulegoetan (185.000 autolikidazio, guztien % 33) edo banku-erakundeetan doako zerbitzua erabiliz aurkezten dute (122.000 autolikidazio, guztien % 21).
2021ean, aurkezteko modalitate bakarra
Aurkezteko hiru modalitate horiek (Rentaetxean, Internet eta banketxeak) 2020ko maiatzetik ekainera bitartean egingo den kanpainan jarraituko dute. Beraz, datorren errenta kanpainan, herritarrek ez dute aldaketarik nabarituko azken urteetakoekin alderatuta.
Hurrengo urtean, 2021ean, Rentaetxean proposamenak, laguntza-programa, aurrez aurreko aurkezpena eta finantza-erakundeetan egiteko zerbitzua desagertu egingo dira, eta aitorpen guztiak Internet bidez izapidetuko dira. Hala ere, Foru Ogasunak Errenta Telefonoa eta aurrez aurreko asistentzia zerbitzuak mantenduko ditu.
Aitorpenaren segurtasuna bermatzeko, Ogasunak BaK pasahitz bat emango die identifikazio digitalerako beste bitartekorik ez duten zergadunei.
Gaur egun, Ogasunak kanpaina bakoitzerako errenta pasahitz bat bidaltzen dio zergadun bakoitzari; BaK, berriz, erabilerrazagoa izango da, Iruarrizagaren esanetan, eta beste euskal administrazioekin kudeaketa digitalak egiteko erabilgarria izango da.
Errenta-aitorpenaren etorkizuneko izapidetze digitalari esker, itzulketen hasiera aurreratu ahalko da, zirriborroak apirilean egongo baitira eskuragarri eta onartzeko moduan; orain arteko ekitaldietan, berriz, maiatzean hasi dira kanpaina eta itzulketak.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.