Osakidetzak 3.103 lanpostuko lan-eskaintza publikoa iragarri du
Eusko Jaurlaritzak Osakidetzaren lan-eskaintza publiko (LEP) berri baten deialdia onartu du astearte honetan gobernu bileran. Euskal Osasun Zerbitzuan inoiz egin den plantilla-handitzerik garrantzitsuena da, 3.103 lanposturekin. Azterketak 2020an hasiko dira, eta hurrengo hiru urteetan egingo dira, Eusko Jaurlaritzak jakitera eman duenez.
Eskainitako plazen artean, azken bi urteetan bete gabeko lanpostuez gain, 953 lanpostu berri daude, "Osakidetzaren historian egingo den plantilla-handitze garrantzitsuenaren baitan".
Testuinguru horretan, deialdi berri hori Eusko Jaurlaritzak enplegu egonkor eta kalitatezkoaren alde duen konpromisoaren beste adibide argi bat dela nabarmendu du Nekane Murga Osasun sailburuak.
Zehazki, lan-eskaintza publiko honek 3.103 lanpostu izango ditu, honela banakatuta:
- 2018. urteko 1.083 birjarpen-plaza, 2017. urtean erretiroa hartu duten edo hil diren pertsonei dagozkienak.
- 2019ko 1.067 birjarpen-plaza. Kopuru hori 2018an erretiratutako edo hildako pertsonei dagokie.
- Eta, azkenik, 953 lanpostu berri sortuko dira. Plaza horiek egonkortasun-tasari erantzuten diote.
Plaza berri horiek sortzearen helburua da osasun-eskari gero eta handiagoari erantzutea, belaunaldi-erreleboaren beharra, zerbitzu eta azpiegitura berriak martxan jartzea, eta inpaktu handiko plan eta proiektu estrategikoak bultzatzea.
Hurbilen daudenen artean, Lehen Mailako Arretako Estrategia, Euskadiko Plan Onkologikoa, Zainketa aringarrien Plana edo C hepatitisa artatzeko Estrategia daude, "behar bezala prestatutako eta kualifikatutako profesionalak izatea eskatzen dutenak", proiektu horiek behar bezala jorratu ahal izateko.
Deialdi horrekin, Osakidetzaren plantilla 26.543 langiletik 27.496 langilera igaroko da. Horrek esan nahi du behin-behinekotasuna % 4 murriztuko dela.
Ildo horretatik, Euskal Osasun Zerbitzuaren historian egin den plantilla-handitzerik garrantzitsuena da. Osakidetzarentzat, handitze hori mugarri bat da, eta aukera emango die langileei egonkortasun handiagoa emateko eta kontratazioaren kalitatea hobetzeko.
Albiste gehiago ekonomia
Petronorreko enpresa-batzordeak "guztiz abusuzkotzat" jo ditu gutxieneko zerbitzuak, eta auzibidera joko du
Salatu dutenez, Petronorreko zuzendaritzak "uko egiten dio" greba-batzordeari eman behar dion informazioa emateari, araudiari jarraiki "betetzen ez duen guztia" gainbegiratu eta egiaztatu ez dezaten.
Aguraingo Haizea Wec Fundicion enpresako langileek greba mugagabea egingo dute
Hitzarmena berritzeko negoziazioak "blokeatuta" daudela salatu dute.
CAF enpresak Israelen okupazio politikei etekina ateratzen diela jaso du NBEk
Zerrenda ostiral honetan eguneratu da, eta guztira 158 enpresa zerrendatu ditu. CAF 38. postuan dago.
CAFen Jerusalemgo tren proiektuaren gakoak
2019an esleitu zuten proiektuak 1.800 milioi euro inguruko inbertsioa du, eta Linea Berdea eraiki eta Ekialdeko Jerusalemdik igarotzen den Linea Gorria handitzea aurreikusten du. 2027an amaituko omen dira lanak.
Urte erdi bete dute greban Gasteizko lorezainek, aurrerapausorik gabe eta manifestazio handi baten esperoan
Gatazkak ez du argirik ikusi, funtsean, lorezainek eskatzen dutena (hitzarmen propioa, soldata igoera garrantzitsuak eta lan-baldintza duinak) eta enpresa eta Udala ekonomikoki zein instituzionalki beren gain hartzeko prest daudena ez datozelako bat. Gainera, bitartekaritzak ez du bi aldeak hurbiltzerik lortu.
Albiste izango dira: CAF, urte judizialaren hasiera eta Zinemaldia
Gaurkoan Orain-en albiste izango direnen laburpena, bi hitzetan.
D’Anjou, CAFi buruz: "Ez dira gauzak nahastu behar, beraiek trenak egiten dituzte"
Ogasun eta Finantza sailburuak ez du aparteko baloraziorik egin nahi izan CAF enpresak argitaratu duen komunikatuari buruz, Jerusalemen eraikitzen ari den tranbiak ez dituela "giza eskubideak urratzen" esanez. Trenak egiten dituen enpresa pribatua dela, eta gauzak argitzen uzteko eskatu du. "Beraiei utzi behar diegu erabakiak hartzen", esan du.
Palestinako lur okupatuetan duen trenbide-proiektuak nazioartearen begiradapean jarri du CAF
Uztailean aurreratu zuen txosten batean, NBEk salatzen du CAF enpresak Israelen okupazio politikei etekina ateratzen diela.
CAFek dio Jerusalemgo trenaren proiektuak ez dituela "giza eskubideak urratzen"
Beasaingo enpresak komunikatu bat igorri du ostegun honetan, lehen aldiz, bere posizioa adierazteko.
Pentsiodunen manifestazio jendetsua Gasteizen, haserre daudela adierazteko
Ehunka pentsiodunek manifestazioa egin dute Andre Maria Zuriaren plazatik Eusko Legebiltzarrera, ganberara eramandako herri-ekimen legegilea aintzat hartu ez dutelako. Proposamenak 145.000 sinadura zekartzan, eta EH Bilduren eta Sumarren babesa jaso du.