Osakidetzak 1.067 plazako Lan-eskaintza Publikoa deitzea proposatu du
Osakidetzak 1.067 plazako Lan-eskaintza Publikoa deitzea proposatu du Mahai Sektorialaren bileran, baina sindikatuek ohartarazi dute kopuru hori ez dela nahikoa osasun sistema publikoan ematen den behin-behinekotasun tasa altuarekin amaitzeko.
Halaber, lanpostuak, kategoriak, baldintzak eta sarbiderako moduak arautzen dituen dekretuan aldaketak egitea proposatu du zuzendaritzak.
ELA sindikatuak gogora ekarri du behin-behinekotasun tasa % 40tik gorakoa dela Osakidetzan. Beraz, horrek esan nahi du egunero 15.000 lagun baino gehiago aldi baterako kontratuekin aritzen direla lanean.
Hortaz, zuzendaritzak egindako eskaintza nahikoa ez dela azpimarratu eta legeak plaza gehiago eskaintzeko aukera ematen duela zehaztu du.
Duela urtebete egin zuen txostenean oinarrituta, LAB sindikatuak 3.000 lanpostu berri sortzea eskatu du berriz ere. Egun, "egiturazkoak izan beharko luketen lanpostu horiek zerbitzuaren beharrizanen arabera egiten diren kontratuekin ezkutatzen" direla salatu du ohar batean.
LABen esanetan, osasun sistema publikoan ezinbestekoa da lantaldea egonkortzea eta egungo beharrei egokitzea. Ildo horretan, eta behin-behinekotasunarekin amaitzeko, gutxienez 7.000 plazako lan-eskaintza publikoa egin beharko litzatekeela erantsi du.
CCOO sindikatuak uste du Osakidetzak ez duela benetako borondaterik aldi baterako kontratuak murrizteko; izan ere, "orain eskaini dituen plazak erretiroa hartu duten langileenak dira".
"Hiru urte baino gehiagoz aldi baterako kontratuekin lanean egon diren beharginak egiturazkoak direla kontsideratu beharko lukete, eta, ondorioz, plaza horiek hurrengo azterketan egon beharko lirateke", azaldu du.
UGT sindikatuak ere antzeko adierazpenak egin ditu. Osakidetzak egindako eskaintza ez-nahikoa dela esan du, behin-behinekotasun tasa murrizteko balio ez duela iritzita. Gainera, aldi baterako kontratuekin iruzurra egiten ari direla salatu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.